ជិះម៉ូតូបុកក្របី ឆ្លងថ្នល់ ដួលបោកស្លាប់ម្នាក់ នៅនឹងកន្លែង!
ខេត្តកោះកុង៖ ករណីគ្រោះថ្នាក់ចាចរណ៍មួយ បានបណ្តាលឲ្យមនុស្សម្នាក់ សស្លាប់ភ្លាមៗ កាលពីវេលាម៉ោង៧ និង៣០នាទីយប់ ថ្ងៃទី១១ ខែមេសា ឆ្នាំ២០២១ នៅចំណុចអ៊ូផ្តៅពេន ក្នុងភូមិជំនាប់ ឃុំជំនាប់ ស្រុកថ្មបាំង ខេត្តកោះកុង។
បើតាមរបាយការណ៍ពីសមត្ថកិច្ច បានឲ្យដឹងថា ករណីគ្រោះថ្នាក់ចរាចរណ៍នេះ បង្ករឡើងដោយជនរងគ្រោះ ឈ្មោះ សាម៉េត ឈួន ភេទប្រុស អាយុ៣៤ឆ្នាំ បានជិះម៉ូតូចេញពីផ្ទះ ទៅដាក់ម៉ង ដោយមេឃងងឹត មិនប្រយ័ត្នទៅបុកក្របី រត់ឆ្លងថ្នល់ បណ្តាលឲ្យដួលស្លាប់នៅនឹងកន្លែងតែម្តង។
ក្រោយពេលកើតហេតុ សមត្ថកិច្ចមូលដ្ឋាន បានចុះពិនិត្យ និងបានប្រគល់សពជូនក្រុមគ្រួសារយកទៅធ្វើបុណ្យតាមប្រពៃណី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។