សហគមន៍ អន្តរជាតិ នឹងមានវិធានការតឹងតែងចំពោះស្ថានភាពនៅមីយ៉ាន់ម៉ា
អតីតអគ្គលេខាធិការអង្គការសហប្រជាជាតិ លោក បានគីមូន បានអំពាវនាវដល់សហគមន៍អន្តរជាតិ មានសកម្មភាពខ្លាំងជាងនេះ ដើម្បីបញ្ចប់អំពើហិង្សា នៅក្នុងប្រទេសមីយ៉ាន់ម៉ា ។
នៅថ្ងៃទី១៩ខែមេសា អតីតអគ្គលេខាធិការអង្គការសហប្រជាជាតិស្នើដល់ សមាគមន៍អាស៊ាន ត្រូវតែមានសកម្ភាព ទប់ស្កាត់អំពើហិង្សានៅក្នុងប្រទេសមីយ៉ាន់ម៉ា ក៏ដូចជាស្វែងរកដំណោះស្រាយបញ្ចប់វិវាទនយោបាយ។
ចំណែកអគ្គលេខាធិការអង្គការសហប្រជាជាតិលោក Antonio Guterres បានបញ្ជារដល់ការិយាល័យប្រចាំនៅក្នុងប្រទេសមីយ៉ាន់ម៉ា ត្រូវតែធ្វើការដោយផ្ទល់ដើម្បីទប់ស្កាត់អំពើហិង្សាកាន់តែកើនខ្លាំងឡើង ។
នៅពេលនេះដែរសហគមន៍អឺរ៉ុប កាលពីថ្ងៃទី ១៩ខែមេសា បានអនុម័តដាក់ទណ្ឌកម្មបន្ថែមទៀតទៅលើមន្ត្រីយោធាមីយ៉ាន់ម៉ា១០ រូប និងក្រុមហ៊ុនចំនួនពីរ ដែលជាប្រភពផ្គត់ផ្គង់ហិរញ្ញវត្ថុដល់កម្លាំងទាហាន ។
នៅក្នុងសេចក្តីប្រកាសមន្ត្រីការបរទេសសហគមន៍អឺរ៉ុប បានបញ្ជាក់យ៉ាងច្បាស់ថា«បុគ្គលដែលរងការដាក់ទណ្ឌកម្មគឺត្រូវតែទទួលខុសត្រូវចំពោះសកម្មភាពបំផ្លាញប្រជាធិបតេយ្យនៅក្នុងប្រទេសមីយ៉ាន់ម៉ា ក៏ដូចជាការប្រើហិង្សាបំបែកក្រុមបាតុករ»។
អំពើហិង្សាកើនឡើងខ្ពស់នៅក្នុងប្រទេសមីយ៉ាន់ម៉ា ចាប់តាំងពីការធ្វើរដ្ឋប្រហារនៅថ្ងៃទី១ខែកុម្ភៈ។ ពលរដ្ឋបាននាំគ្នាធ្វើបាតុកម្ម រហូតមកប្រឆាំងការដឹកនាំដោយយោធា និងទាមទារឲ្យ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។