ថៃស្នើរឲ្យអង់គ្លេសបញ្ជូនខ្លួនអតីតនាយករដ្ឋមន្ត្រី យីង ឡាក់ ត្រឡប់មកស្រុកវិញ
នាយករដ្ឋមន្ត្រីថៃលោក ប្រាយុទ្ធ ចាន់អូចារ្យ បានប្រកាសថា រដ្ឋាភិបាលរបស់លោកបានស្នើឲ្យអង់គ្លេស បញ្ចូន ខ្លួនអតីតនាយករដ្ឋមន្ត្រីប្រទេសនេះវិលត្រឡប់មកប្រទេសថៃវិញ ក្រោយពេលលោកស្រីបានគេចខ្លួនចេញពីការកាត់ទោសទៅរស់នៅក្រៅប្រទេស។
សារព័ត៌មានរ៉យទ័របានដកស្រងសម្តី លោកប្រាយុទ្ធចានអូចារ្យ ប្រកាសថា សំណើរខាងលើ របស់រដ្ឋាភិបាលគឺសមស្រប់ទៅនិងកិច្ចព្រមព្រៀងបញ្ចូនអ្នកទោស ដែលប្រទេសទាំងពីរបានចុះហត្ថលេខាកាលពីឆ្នាំ១៩១១។
នៅក្នុងសំណើរបានសរសេរថា« អគ្គរដ្ឋទូត, តាមការបញ្ចាពីរដ្ឋាភីបាល នៃរាជាណាច័ក្រថៃ និងតាមកិច្ចព្រមព្រៀង ពីការនាំខ្លួនរបស់ប្រទេសទាំងពីរ , សូមអង់គ្លេស បញ្ជូនលោកស្រីយីងឡាក់ ស៊ីណាវ៉ាត្រា ពលរដ្ឋថៃ ដែលកំពុងលាក់ខ្លួននៅអង់គ្លេស មកថៃវិញ»។
អ្នកនាំពាក្យក្រសួងការបរទេសថៃ លោក Busadee Santipitaks បដិសេធ ឆ្លើយសំនួរសួថា តើថៃមានសំណើរអ្វីផ្សេងទៀតក្រៅពីបញ្ចូនខ្លួនលោកស្រីយីងឡាក់ដែរឬទេ។
កាលពីថ្ងៃទី២៨ខែកក្កដា លោកស្រីយីងឡាក់បានបង្ហាញខ្លួន ជាថ្មីតាមឃ្លីបវីដីអូមួយនៅលើបណ្តាញ Instagram ដោយបញ្ចាក់ថា លោកស្រីកំពុងរស់នៅតំបន់ Convent Garden ក្នុងទីក្រុងឡុងដុងប្រទេសអង់គ្លេស។
រដ្ឋាភិបាលរបស់លោកស្រី យីងឡាក់ ស៊ីណាវ៉ាត្រា ត្រូវរងការធ្វើរដ្ឋប្រហារ នៅឆ្នាំ២០១៤ ក្រោមការដឹកនាំរបស់ មេទ័ព ប្រាយុទ្ធចាន់អូចារ្យ។ ក្រោយមកលោកស្រី យីងឡាក់ ត្រូវបានកាត់ទោស ពីបទខ្វះទំនួលខុសត្រូវ ចំពើកម្មវិធីជំនួយតម្លៃទិញស្រូវ ធ្វើឲ្យរដ្ឋខាងបង់ជាច្រើន។ លោកស្រីត្រូវបានតុលាការកំពូលកាត់ទោសជាប់ពន្ធនាគា ៥ឆ្នាំកាលពីខែកញ្ញាឆ្នាំ២០១៧ ។ប៉ុន្តែនៅមុនពេលតុលាការប្រកាសសាលក្រមលោកស្រីបានភៀសខ្លួនចេញទៅក្រៅប្រទេស។
នៅក្នុងការភៀសខ្លួនទៅក្រៅប្រទេស លោកស្រីទទួលបានការអនុញ្ញាត្តិ ឲ្យរស់នៅភៀសខ្លួនក្នុងប្រទេសអង់គ្លេសរយៈពេល១០ឆ្នាំ ។ ក្រោយទទួលបានសិទ្ធលោកស្រីតែងតែបង្ហាញខ្លួនជាសាធារណញឹកញាប់៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។