រថយន្តដឹកប្រេង ក្រឡាប់ធ្លាក់ផ្លូវខ្លួនឯង ស្លាប់ម្នាក់ រងបួសម្នាក់ នៅស្រុកស្ទឹងហាវ
ខេត្តព្រះសីហនុ៖ កាលពីវេលាម៉ោងជាង២រសៀល ថ្ងៃទី២៨ ខែមេសា ឆ្នាំ២០២១ មានរថយន្តដឹកប្រេងក្រុមហ៊ុន LHR បានក្រឡាប់ដោយខ្លួនឯង បណ្តាលឲ្យអ្នកបើកបរស្លាប់ម្នាក់ និងរងរបួសម្នាក់ នៅម្តុំអូរថ្មភូមិឫទ្ធី២ ឃុំកែវផុស ស្រុកស្ទឹងហាវ ខេត្តព្រះសីហនុ។
សមត្ថកិច្ចឲ្យដឹងថា ជនរងគ្រោះឈ្មោះ នី សុខលីម ភេទប្រុស អាយុ២៧ឆ្នាំ មានទីលំនៅ ភូមិក្រាំងមេម៉ាយ ឃុំព្រះបាទ ស្រុកស្ទឹងត្រែង ខេត្តស្ទឹងត្រែង រីឯម្នាក់ទៀត ជាអ្នករួមដំណើរជាមួយរងរបួស ឈ្មោះ នី សុខលី ភេទប្រុស អាយុ៣០ឆ្នាំ មានទីលំនៅជាមួយគ្នា។
ករណីនេះ សមត្ថកិច្ច បានបញ្ជាក់ថា រថយន្តសណ្តោងរ៉ឺម៉កដឹកប្រេង ដែលក្រឡាប់នេះ ពាក់ស្លាកលេខ ភ្នំពេញ3A-2015 (ក្នុងស៊ីទែនពុំមានប្រេងទេ) ចំពោះមូលហេតុ ដោយសារមេឃភ្លៀងខ្លាំង ទើងរថយន្តរអិលធ្លាក់ផ្លូវក្រឡាប់តែម្តង៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។