ទាហានស៊ីរីរកឃើញឃ្លាំងអាវុធ របស់ក្រុម IS ផលិតនៅក្នុងប្រទេសអីស្រាអែល
កម្លាំងទាហានស៊ីរី ទើបតែរកឃើញអាវុធ ផលិតនៅក្នុងប្រទេសអីស្រាអែល តំបន់ខ្ពង់រាបហ្គោឡែន ដែលក្រុមភេរវកម្ម IS ប្រើប្រាស់ក្នុងការវាយប្រហារទៅលើកម្លាំងទាហានរដ្ឋាភិបាលស៊ីរី។
ក្រោយពេលកម្លំាងទាហានអិស្លាមIS បាត់បង់ទឹកដីចុងក្រោយដែលធ្លាប់គ្រប់គ្រងនៅតំបន់ភាគខាងលិច Dara’a កម្លាំងទាហានរដ្ឋាភិបាលស៊ីរី បានចាប់ផ្តើមយុទ្ធនាការ បោសម្អាតទីតាំង ដែលទើបដណ្តើមបានដើម្បីធានា សុវត្ថភាព ដល់ពលរដ្ឋ។
កម្លាំងទាហានស៊ីរី SAA ក៏បានរកឃើញឃ្លាំងអាវុធ ដ៏ធំមួយ របស់ក្រុម IS ដែលភាគច្រើនជាអាវុធផលិតនៅក្នុងប្រទេសអីស្រាអែល។ ឃ្លាំងអាវុធដែលបានរកឃើញស្ថិតនៅក្នុង ស្រុក Koya និង Qusayer ដែលជាតំបន់ចុងក្រោយ រំដោះបានពីដៃក្រុមភេរវកម្ម។
អាវុធដែលផលិតនៅក្នុងប្រទេសអីស្រាអែល ក្នុងនោះមានគ្រាប់រំសែវ អាវុធបាញ់រថក្រោះ កាំជ្រួចមីស៊ីលប្រឆាំងរថក្រោះ និងអាវុធផ្សេងៗទៀតជាច្រើន។ក្រៅពីនេះទាហានស៊ីរី ក៏បានរកឃើញ សម្ភារៈសុខាភិបាលនិងស្បៀងអាហារ ផលិតនៅក្នុងប្រទេសអីស្រាអែល និង សាឌីអារ៉ាប៊ី នៅក្នុងស្រុកទាំងពីរខាងលើ។
ពាក់ព័ន្ធនិងហេតុការខាងលើ រដ្ឋមន្ត្រីការពារជាតិអីស្រាអែល លោក Lieberman នៅថ្ងៃទី២ខែសីហា បាន និយាយទៅកាន់ក្រុមអ្នកសារព័ត៌មានថា ជ័យជំនៈរបស់រដ្ឋាភិបាលស៊ីរី គឺជាព័ត៌មានល្អ សម្រាង់អីស្រាអែល ដោយសារតែប្រធានាធិបតីអាលអាសាដ ជាបុគ្គលដែលអាចសហការដោះស្រាយ បញ្ហាសន្តិសុខនៅក្នុងតំបន់។
មានប្រសាសន៍ស្តីពីការប្រឈមមុខ ដាក់គ្នាជាយូណាសមកហើយរវាងអីស្រាអែលនិងស៊ីរី រដ្ឋមន្ត្រីការពារជាតិ អីស្រាអែល បានបញ្ចាក់ថា«ស្ថានភាពបច្ចុប្បន្ន កំពុងតែវិលត្រឡប់ ទៅកាន់សភាពដើម ដូចកាលពីមុនសង្គ្រាមកើតឡើងនៅក្នុងប្រទេសស៊ីរី ។
នេះជាសកម្មភាព មិនធ្លាប់មានពីមុនមកឡើយ ដែលអីស្រាអែលបានបន្ទន់ឥរិយាបទ ទៅលើ ស៊ីរី ក្រោយពេលរដ្ឋាភិបាលស៊ីរី បានយកឈ្នះទាំងស្រុងទៅលើក្រុមភេរវកម្ម ក្រោមការជួយអន្តរគមន៍ពីក្រោយរបស់រុស្ស៊ី។
ពាក់ព័ន្ធនិងការរកឃើញអាវុធរបស់អីស្រាអែលនៅក្នុងឃ្លាំងអាវុធរបស់ក្រុម IS មកទលពេលនេះភាគីអីស្រាអែលមិនទាន់មានប្រតិកម្មអ្វីជុំវិញហេតុការទាំងនោះឡើយ ។
កន្លងមករដ្ឋាភិបាលស៊ីរី និងអ្នកវិភាគតែងតែចោទប្រកាន់ អាមេរិកនិងសម្ព័ន្ធមិត្ត អីស្រាអែលគឺជាអ្នកនៅពីក្រោយខ្នងជួយដល់កម្លាំងភេរវកម្ម បន្តធ្វើសង្គ្រាមវាយប្រហារជាមួយទាហានរដ្ឋាភិបាលស៊ីរី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។