ស្លាប់ម្នាក់ របួស៤នាក់ ករណីរថយន្ត បុកម៉ូតូ ក្រឡាប់ធ្លាក់ផ្លូវ នៅក្រុងស្ទឹងត្រែង
ខេត្តស្ទឹងត្រែង៖ យ៉ាងហោចណាស់មនុស្សម្នាក់ បានស្លាប់ និង៤នាក់ទៀត បានរងរបួសធ្ងន់ស្រាល ក្នុងហេតុការណ៍ករណីគ្រោះថ្នាក់ចរាចរណ៍មួយ រវាងរថយន្ត បុកម៉ូតូ កាលពីថ្ងៃទី២៤ ខែឧសភា ឆ្នាំ២០២១ លើផ្លូវលេខ២ ក្នុងភូមិស្រែពោធិ៍ សង្កាត់ស្រះឫស្សី ក្រុងស្ទឹងត្រែង។
នគរបាលចរាចរណ៍ខេត្ត បានឲ្យដឹងថា អ្នកបើកបរឈ្មោះ វុធ ចាន់ថារិទ្ធ ភេទប្រុស អាយុ៤១ឆ្នាំ ជនជាតិខ្មែរ មុខរបរកសិករ មានទីលំនៅភូមិកំភុន ឃុំកំភុន ស្រុកសេសាន ខេត្តស្ទឹងត្រែង បានបើកបររថយន្តម៉ាកតាកូម៉ា ពណ៌ទឹកមាស ផ្លាកលេខភ្នំពេញ ២Y-៧៧១២ ទិសដៅពីលិចទៅកើត មានអ្នករួមដំណើរចំនួន ៣នាក់ទៀត បានបុកម៉ូតូម៉ាកស៊ីរូស ពណ៌ក្រហម គ្មានផ្លាកលេខ បើកពីលិចទៅកើត អ្នកបើកបរឈ្មោះ អា គ ភេទប្រុស អាយុ៤១ឆ្នាំ មុខរបរកម្មករ មានទីលំនៅភូមិស្រែពោធិ៍ សង្កាត់ស្រះឫស្សី ក្រុង/ខេត្តស្ទឹងត្រែង បណ្តាលឱ្យមនុស្សស្លាប់ម្នាក់ របួសធ្ងន់ម្នាក់ របួសស្រាល ៣នាក់។ មូលហេតុ គឺបើកបរហួសល្បឿនកំណត់៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។