អាជ្ញាធរខេត្តកោះកុង បង្ហាញអត្តសញ្ញាណអ្នកកើតជំងឺកូវីដ១៩ថ្មី ១៥នាក់ រកឃើញ នៅស្រុកស្រែអំបិល
កោះកុង៖ រដ្ឋបាលខេត្តកោះកុង បានបង្ហាញអត្តសញ្ញាណអ្នកកើតជំងឺកូវីដ១៩ ចំនួន ១៥នាក់ ដែលទើបរកឃើញថ្មី នៅមូលដ្ឋានស្រុកស្រែអំបិល កាលពីថ្ងៃទី២៥ ឧសភា ម្សិលមិញ តាមរយៈការធ្វើតេស្តរហ័ស។
រដ្ឋបាលខេត្តកោះកុង បានបញ្ជាក់ថា អ្នកដែលរកឃើញឆ្លងជំងឺកូវីដ១៩នេះ សុទ្ធតែពាក់ព័ន្ធជាមួយបុរសម្នាក់ ជាកម្មកររោចក្រធ្វើចំណីសត្វ អាយ តាវ ស្ថិតនៅក្នុងភូមិត្រពាំងគោ ឃុំជើងគោ ស្រុកព្រៃនប់ ខេត្តព្រះសីហនុ។
ជាមួយគ្នា អាជ្ញាធរខេត្ត បានអំពាវនាវចំពោះ បងប្អូនប្រជាពលរដ្ឋទាំងអស់ ត្រូវចូលរួមអនុវត្តឲ្យបានម៉ឺងម៉ាត់ជាដាចខាតនូវវិធានការ ៣កុំ និង៣ការពារ របស់រាជរដ្ឋាភិបាល និងការណែនាំនានារបស់ក្រសួងសុខាភិបាល និងត្រូវប្រុងប្រយ័ត្នខ្ពស់បំផុត ដើម្បីចូលរួមទប់ស្កាត់ការឆ្លងរីករាលដាលជំងឺកូវីដ១៩ កុំឲ្យមានការឆ្លងចូលក្នុងសហគមន៍យើង៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។