លោកត្រាំ បញ្ជាក់ជាថ្មីថា កូវីដ១៩ កើតចេញពីទីក្រុងវូហានប្រទេសចិន
នៅថ្ងៃទី២៥ខែឧសភា ពេលវេលានៅអាមេរិក ប្រធានាធិបតីដូណាល់ត្រាំ បានបញ្ជាក់ថា កូវីដ១៩ មានប្រភពមកពីទីក្រុងវូហានប្រទេសចិន។ លោកត្រាំបញ្ជាក់ថា«ពេលនេះមនុស្សគ្រប់រូបបានទទួលស្គាល់ថា ខ្ញុំនិយាយត្រូវ ដែលបញ្ជាក់ថា កូវីដ១៩ មានប្រភពមកពីទីក្រុងវូហាន ហើយពេលខ្លះខ្ញុំហៅវីរុសនេះ ថាជាវីរុសចិន។ ចំពោះខ្ញុំ តាំងពីពេលដំបូងដែលបញ្ជាក់ពីរឿងនេះ ហើយវាជាការពិត ប៉ុន្តែខ្ញុំទទួលរងការរិះគន់យ៉ាងខ្លាំង។ នៅពេលនេះមនុស្សគ្រប់រូបដឹងថាខ្ញុំនិយាយត្រូវ»។
ការលើកឡើងខាងលើរបស់អតីតប្រធានាធិបតីដូណាល់ ត្រាំ ក្រោយពេលរដ្ឋាភិបាលរបស់ប្រធានាធិបតីបៃឌិន បានអំពាវនាវដល់អង្គការសុខភាពពិភពលោក បើកការស្រាវជ្រាវដោយបើកជំហរ ពីប្រភពវីរុសកូវីដ១៩ ដោយតម្លាភាព ពឹងផ្អែកទៅលើបចវិទ្យាសាស្ត្រ។ អាមេរិក បានស្នើឲ្យ អង្គការ WHO ស្រាវជ្រាវជាលើកទីពីរពីប្រភពកូវីដ១៩ ក្រោយមានទ្រិស្តីជាច្រើនលើកឡើងថា កូវីដ១៩ បែកធ្លាយចេញពី មន្ទីរពិសោធរបស់ចិននៅទីក្រុងវូហាន។
រដ្ឋមន្ត្រីក្រសួងសុខាភិបាល លោក Xavier Becerra បានលើកឡើងថា«ដំណាក់កាលទីពីរ នៃការស្រាជ្រាវពីប្រភពកូវីដ ១៩ត្រូវតែធ្វើឡើងប្រកបដោយតម្លាភាព ពឹងផ្អែកទៅលើមូលដ្ឋានវិទ្យាសាស្ត្រ ដោយផ្តល់សិទ្ធិដល់ក្រុមជំនាញក្នុងការស្រាវជ្រាវដោយឯករាជ្យ»។
នៅពេលកាន់តំណែងជាប្រធានាធិបតីលោក ត្រាំ បានទម្លាក់កំហុសទៅលើចិនស្តីពីការឆ្លងរាលដាលកូវីដ១៩។ លោកបានចោទប្រកាន់ទីក្រុងប៉េកាំង បង្កឲ្យមានការឆ្លងរាលដាលកូវីដ១៩ជាសកល់ ។ លោកត្រាំលើកឡើងថាទ្រិស្តីស្តីពីការបែកធ្លាយកូវីដ១៩ ពីមន្ទីរពិសោធរបស់ចិន គឺអាចជាការពិត៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។