ពលរដ្ឋរស់នៅក្នុងភូមិធ្នង់ បំភ្លឺចំពោះស្នាមមេដៃ ដែលបានផ្តិតតវ៉ារឿងដី ដែលត្រូវម្ចាស់ដី បដិសេធថាជាមេដៃក្លែងក្លាយ
(ព្រៃវែង) – ប្រជាពលរដ្ឋប្រមាណជាង ៣០០ គ្រួសារដែលរស់នៅក្នុងភូមិធ្នង់ ឃុំជាខ្លាង ស្រុកស្វាយអន្ទរ ខេត្តព្រៃវែង បានឆ្លើយបំភ្លឺ ចំពោះករណីស្នាមមេដៃដែល ពួកគាត់បានផ្ដិតតវ៉ារឿងដី ចំណីមាត់ប្រឡាយសម្រាប់ការធ្វើដំណើរទៅមក ដើម្បីបង្កបង្កើនផលដូចជាដឹកជញ្ជូនកសិផលរបស់គាត់ តែត្រូវបានម្ចាស់ដី ដែលបានទិញដីនៅក្បែរនោះ ចាក់ដី លុបលើមាត់ប្រឡាយ បានបដិសេធថាមេដៃប្រជាពលរដ្ឋដែលបានផ្តិតតវ៉ារឿងដីដែលគាត់ចាក់ដី មាត់ប្រឡាយនោះ គឺជាមេដៃក្លែងក្លាយ មិនពិតប្រាកដ។
ក្នុងនោះដែរលោក ហេង សៅរ៍ ដែលជាមេភូមិធ្នង់ ឃុំជាខ្លាង ក៏បានអះអាងថាមេដាយទាំងអស់នេះពិតជាមេដៃប្រជាពលរដ្ឋបានផ្តិតពិតប្រាកដមែនមិនមានការក្លែងបន្លំដូចការចោទប្រកាន់របស់ម្ចាស់ដីដែលបានបដិសេធនោះទេ។
ចំពោះរឿងរ៉ាវខាងលើនេះ លោក អ៊ុក ស៊ាត ដែលជាមេឃុំជាខ្លាង ក៏បានលើកឡើងផងដែរថាចំពោះរឿងនេះលោកក៏បានដោះស្រាយ ជារឿយៗផងដែរប៉ុន្តែត្រូវបានបដិសេធ មិនមានការយល់ព្រមពីម្ចាស់ដីដែលបានចាក់ដីលើមាត់ប្រឡាយនោះទេ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។