អាជ្ញាធរក្រុងសិរីសោភ័ណ ប្រមូលអ្នកជាប់ពាក់ព័ន្ធក្នុងពិធីភ្ជាប់ពាក្យមួយ ក្រោយរកឃើញករណីវិជ្ជមានកូវីដ-១៩ ជាបន្តបន្ទាប់
ខេត្តបន្ទាយមានជ័យ៖ នៅថ្ងៃទី៧ ខែមិថុនា ឆ្នាំ២០២១ អាជ្ញាធរក្រុងសិរីសោភ័ណ បានប្រមូលអ្នកជាប់ពាក់ព័ន្ធ ក្នុងពិធីភ្ជាប់ពាក្យមួយ នៅសង្កាត់កោះពងសត្វ ក្រោយរកឃើញករណីវិជ្ជមានកូវីដ-១៩ ជាបន្តបន្ទាប់។
គិតត្រឹមថ្ងៃត្រង់នេះ អាជ្ញាធរក្រុង បានប្រមូលអ្នកជាប់ពាក់ព័ន្ធបន្ថែម ៤៧នាក់ ក្នុងនោះរកឃើញវិជ្ជមានកូវីដ-១៩ម្នាក់ ដែលបានចូលរួមពិធីភ្ជាប់ពាក្យខាងលើ។ យុវតីវិជ្ជមានខាងលើឈ្មោះ សុខ សុវណ្ណធីតា អាយុ១៩ឆ្នាំ រស់នៅភូមិតារាងបាល់ សង្កាត់កំពង់ស្វាយ ក្រុងសិរីសោភ័ណ។
បច្ចុប្បន្នអាជ្ញាធរ កំពុងស្វែងរកអ្នកជាប់ពាក់ព័ន្ធបន្តទៀត ដើម្បីយកសំណាក់វិភាគរកកូវីដ-១៩។ ដោយឡែកអ្នកដែលធ្វតេស្តលើកទី១ អវិជ្ជមាន អាជ្ញាធរឲ្យត្រលប់ទៅធ្វើចត្តាឡីស័កនៅផ្ទះរៀងៗខ្លួន ដោយត្រូវប្រកាន់ភ្ជាប់នូវិធានការសុខាភិបាល៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។