អាសូរណាស់! បុរសចំណាស់ម្នាក់ ត្រូវម៉ូតូបុកស្លាប់ពេលបញ្ជូនទៅដល់មន្ទីរពេទ្យ
ខេត្តពោធិ៍សាត់៖ បុរសចំណាស់វ័យ៧០ឆ្នាំម្នាក់ កំពុងជិះកង់ត្រូវម៉ូតូបុកពីក្រោយ បណ្តាលឲ្យស្លាប់ ពេលបានបញ្ជូនទៅដល់មន្ទីរពេទ្យបង្អែកខេត្តពោធិ៍សាត់ និងអ្នកបើកម៉ូតូដែលជាជនបង្ករងរបួសធ្ងន់។ ករណីនេះកើតឡើងកាលពីយប់ថ្ងៃទី០៧ ខែមិថុនា ឆ្នាំ២០២១ នៅភូមិចារឹក ឃុំស្យា ស្រុកកណ្តៀង ខេត្តពោធិ៍សាត់។
តាមរបាយការណ៍ពីនគរបាលស្រុកកណ្តៀង បានឲ្យដឹងថា ជនបង្កបានបើកបរម៉ូតូ ម៉ាកអ៉ិចសេនធ័រ គ្មានស្លាកលេខ ក្នុងល្បឿនលឿន ទិសដៅពីកើតទៅលិច លុះមកដល់ចំណុចកើតហេតុក៏បុកកង់ជនរងគ្រោះពីក្រោយ បណ្តាលឲ្យដួលរងរបួសធ្ងន់ធ្ងរ ត្រូវចំក្បាលផ្នែកខាងក្រោយ តែជាអកុសលជនរងគ្រោះបានស្លាប់ ពេលបញ្ជូនទៅមន្ទីរពេទ្យ រីឯជន្ករងរបួសធ្ងន់។
ជនបង្កឈ្មោះ ឌុច ណាត់ ភេទប្រុស អាយុ២៥ឆ្នាំ ជនជាតិខ្មែរ រស់នៅភូមិចារឹក ឃុំស្យា ស្រុកកណ្តៀង ខេត្តពោធិ៍សាត់ ចំណែកជនរងគ្រោះឈ្មោះ រស់ ម៉ៅ ភេទប្រុស អាយុ៧០ឆ្នាំ ជនជាតិខ្មែរ រស់នៅភូមិអន្លង់វិល ឃុំស្យា ស្រុកកណ្តៀង ខេត្តពោធិ៍សាត់។
ករណីនេះ នគរបាលជំនាញ បានយកវត្ថុតាងទៅរក្សាទុកនៅអធិការដ្ឋាននគរបាលស្រុកកណ្តៀង ដើម្បីបំពេញបែបបទទៅតាមនីតិវិធី ដោះស្រាយបន្ត៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។