ប្រទេសថៃ ប្រកាសពីការស្លាប់ ៣៥នាក់ទៀត ដោយសារជំងឺកូវីដ១៩ ខណៈមានអ្នកឆ្លងថ្មី ២,៦៨០នាក់ទៀត
ថៃ៖ នៅថ្ងៃពុធនេះ ក្រសួងសុខាភិបាលថៃបានរាយការណ៍អំពីអ្នកស្លាប់ដោយ សារជំងឺកូវីដ១៩ចំនួន៣៥នាក់ទៀត ដោយធ្វើឲ្យអ្នកស្លាប់សរុបកើនដល់១ពាន់៣៣២នាក់។
ជាមួយគ្នានេះ អាជ្ញាធរសុខាភិបាលថៃក៏បានប្រកាសពីការរកឃើញអ្នកឆ្លងថ្មីចំនួន២ពាន់៦៨០ករណីទៀតផងដែរ ដែលនាំឲ្យករណីសរុបកើនដល់១៨ម៉ឺន៤ពាន់៨២៨ករណី។ ក្នុងចំណោមករណីសរុប ដែលត្រូវបានរកឃើញក្នុងរយៈពេល២៤ម៉ោងចុងក្រោយ មាន២ពាន់៤រយករណីគឺជាប្រជាជនទូទៅ និង២៨០ករណីទៀតគឺជាការឆ្លងនៅក្នុងពន្ធនាគារ ។
ទន្ទឹមគ្នា អ្នកជំងឺ៤ពាន់២៥៣នាក់បានជាសះស្បើយ និងត្រូវបានអនុញ្ញាតឲ្យចាកចេញពីមន្ទីរពេទ្យក្នុងរយៈពេល២៤ម៉ោងចុងក្រោយនេះ ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។