បង្ក្រាបគ្រឿងញៀនជាង ២គីឡូក្រាម ឃាត់ខ្លួនមនុស្ស ១៩នាក់ កាលពីម្សិលមិញ!
ភ្នំពេញ៖ ជនសង្ស័យចំនួន ១៩នាក់ ត្រូវបានសមត្ថកិច្ចឃាត់ខ្លួន ក្នុងប្រតិបត្តិការបង្ក្រាបបទល្មើសគ្រឿងញៀនចំនួន ១០ករណីទូទាំងប្រទេស នៅថ្ងៃទី១៥ ខែមិថុនា ឆ្នាំ២០២១ម្សិលមិញ។
បើតាមរបាយការណ៍ពីអគ្គស្នងការដ្ឋាននគរបាលជាតិ បញ្ជាក់ថា ក្នុងចំណោមជនសង្ស័យទាំង ១៩នាក់ រួមមាន៖ ជួញដូរ ៩ករណី ឃាត់ ១៨នាក់ និងប្រើប្រាស់ ១ករណី ឃាត់ ១នាក់។
ចំណែកវត្ថុតាង ចាប់បានសរុប រួមមាន៖ មេតំហ្វេតាមីន(Ice)ចំនួន ៥៦៥,៩០ក្រាម និង១កញ្ចប់តូច, កេតាមីន(Ke)ចំនួន ៥,៧៨ក្រាម និងអ៊ិចស្តាស៊ី(mdma)ចំនួន ១៨៥៨,០៦ក្រាម៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។