បាញ់ប្រហារទៅលើស្ថានទូតអាមេរិកនៅតួកគី
ខ្មាន់កាំភ្លើងបានជិះរថយន្ត រួចបាញ់ជាច្រើនគ្រាប់ចូលទៅកាន់ស្ថានទូតអាមេរិកនៅទីក្រុងអែនការ៉ាប្រទេសតួកគី ប៉ុន្តែមិនបណ្តាលឲ្យមានអ្នកស្លាប់ឬរងរបួសនោះឡើយ។ ជនដសដល់ បានគេចខ្លួនបាត់តាមរថយន្តពណ៌ស ។ ការបាញ់ប្រហារខាងលើកើតឡើងនៅព្រឹកថ្ងៃទី ២០ខែសីហា ។
ប៉ូលិសនៅក្នុងតំបន់បានឲ្យដឹងថា ការបាញ់ប្រហារខាងលើកើតឡើង នៅវេលាម៉ោង ៥ព្រឹកថ្ងៃទី ២០ខែសីហា ។ការបាញ់ប្រហារនោះបណ្តាលឲ្យ កញ្ជក់ ទ្វាមួយចំនួនបែកបាក់ផងដែរ។ សំបកគ្រប់ក៏ត្រូវបានគេរកឃើញនៅកន្លែងកើតហេតុ។
ស្ថានទូតអាមេរិកគ្រោងនឹងបិទទ្វា នៅក្នុងសប្តាហ៍នេះ ទៅតាមប្រក្រតីទិនឈប់សម្រាក់ រួមនៅក្នុងពិធី បុណ្យ Eid Al Adha របស់ជនជាតិអិស្លាម ។ ស្ថានទូតអាមេរិកនៅទីក្រុងអែនការ៉ា និងស្ថានកុងស៊ុលនៅទីក្រុង អិស្តានប៊ូល គឺជាគោលដៅនៃការវាយប្រហាររបស់ខ្មាន់កាំភ្លើង។
ការបាញ់ប្រហារខាងលើកើតឡើង ក្នុងពេលដែល ទំនាក់ទំនងរវាងអាមេរិកនិងតួកគីប្រឈមមុខតានតឹងដាក់គ្នា ក្នុងវិស័យពាណិជ្ជកម្ម តម្លើងពន្ធដាក់គ្នាទៅវិញទៅមក ។ ការប្រឈមមុខដាក់គ្នាបានធ្វើឲ្យប្រាក់តួកគីធ្លាក់ចុះយ៉ាងខ្លាំង ។
ក្នុងពេលនេះពលរដ្ឋតួកគី បាននាំគ្នាបំផុះបំផុលពលរដ្ឋឈប់ប្រើប្រាស់ផលិតផលរបស់អាមេរិក ក្នុងនោះមានទូរស័ព្ទដៃ Iphone ជាដើម ។ មិនតែប៉ុណ្ណោះ ពលរដ្ឋ ជាច្រើនបានវាយកម្ទេចទូរស័ព្ទចោលទៀតផង៕
ប្រែសម្រួល៖ សុធី
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។