ម៉ូតូ២គ្រឿង ព្រលះគ្នា ក្នុងស្ថានភាពស្រវឹង ស្លាប់ម្នាក់ របួសធ្ងន់ម្នាក់ នៅក្រុងប៉ៃលិន
ខេត្តប៉ៃលិន៖ ម៉ូតូចំនួន ២គ្រឿង បានបើកជែងគ្នា ក្នុងស្ថានភាពស្រវឹង និងបានបុកគ្នាពេញទំហឹង បណ្តាលឲ្យមនុស្សស្លាប់ម្នាក់ និងរបួសធ្ងន់ម្នាក់ កាលពីវេលាម៉ោងជាង១យប់ ឈានចូលថ្ងៃទី៣០ ខែមិថុនា ឆ្នាំ២០២១ នៅត្រង់ចំណុចមុខភ្នំយ៉ាត ភូមិវត្ត សង្កាត់ប៉ៃលិន ក្រុងប៉ៃលិន ខេត្តប៉ៃលិន។
មន្ត្រីនគរបាលក្រុងប៉ៃលិន បានឲ្យដឹងថា អ្នកបើកបរម៉ូតបង្ករឈ្មោះ ហុល សុភី ភេទប្រុស អាយុ៣០ឆ្នាំ រស់ភូមិអូរតាវ៉ៅ សង្កាត់អូរតាវ៉ៅ ក្រុងប៉ៃលិន ខេត្តប៉ៃលិន មុខរបរទាហាន(ស្លាប់នៅកន្លែងកើតហេតុ)។ បើកបរម៉ូតូម៉ាកHONDA Dream សេរីឆ្នាំ២០២១ ពណ៌ខ្មៅ ពាក់ស្លាកលេខ ប៉ៃលិន ១C-៤០៥៨ (រងការខូចខាតធ្ងន់) ។
ចំណែកឯអ្នកបើបរម៉ូតូរងគ្រោះឈ្មោះ ពក ភេទប្រុស អាយុ ប្រហែល ៣០ឆ្នាំជាង រស់នៅភូមិសួនអំពៅលិច សង្កាត់ប៉ៃលិន ក្រុងប៉ៃលិន ខេត្តប៉ៃលិន មុខរបរអ្នកកាប់គោ រងរបួលធ្ងន់(បាក់ជើងខាងឆ្វេង របួសក្បាលធ្ងន់) ។ បើកបរម៉ូតូម៉ាកHONDA Dream សេរីឆ្នាំ២០១៧ ពណ៌ខ្មៅ ពាក់ស្លាកលេខ បាត់ដំបង ១X-៨១២៧ ។
សពត្រូវបានប្រគល់ជូនគ្រូសារយកមកធ្វើបុណ្យតាមប្រពៃណី និងអ្នករងរបួសត្រូវបានបញ្ជូនទៅមន្ទីរពេទ្យ។ រីឯមធ្យោបាយពាក់ព័ន្ធត្រូវបានយកមករក្សាទុកនៅអធិការដ្ឋាននគរបាល ក្រុងប៉ៃលិន រង់ចាំការដោះស្រាយតាមនីតិវិធី ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។