តូបអាជីវករខ្មែរ៦តូបនៅផ្សារស៊ីភេន ស្រុកខ្លងហាត ត្រូវភ្លើងឆេះខ្ទេច
តូបលក់ដូររបស់អាជីវករខ្មែរចំនួន៦តូបនៅផ្សារស៊ីភេន ក្នុងស្រុកខ្លងហាត ខេត្តស្រះកែវ ប្រទេសថៃ ជាប់នឹងច្រកអន្តរជាតិគីឡូ១៣ ភ្នំដី នៃស្រុកសំពៅលូន ត្រូវបានអគ្គីភ័យឆាបឆេះអស់ទាំងស្រុង កាលពីវេលាម៉ោងប្រមាណ ១១ និង៣០នាទី ថ្ងៃទី២១ ខែសីហា ឆ្នាំ២០១៨។
លោកវរសេនីយ៍ឯក ពេជ្រ សារែន អធិការនគរបាលស្រុកសំពៅលូនបានឲ្យដឹងថា តូបទាំង៦ត្រូវបានភ្លើងឆេះពេលនេះជាតូបអាជីវករខ្មែរដែលពួកគាត់ជួលពីក្រុមអាជីវករថៃ ដោយដាក់តាំងលក់ទំនិញដូចជាខ្ទឹមស ម្ទេសក្រៀម ម្រេច និងគ្រឿងចាប់ហួយផ្សេងៗផងដែលសរុបជាទឹកប្រាក់ប្រហែល៨០ម៉ឺនបាត(ប៉ែតសិបម៉ឺនបាត)។
លោកបន្តថា ហេតុការណ៍ដែលឆេះតូបអាជីវករខ្មែរនៅផ្សារស៊ីភេនទាំងថ្ងៃបែបនេះ គឺផ្តើមចេញពីការទុស្សេខ្សែភ្លើង ដោយឆាបឆេះទាំងអស់សរុបមាន៦តូប ប៉ះលើក្រុមគ្រួសារឈ្មោះ ង៉ែត ចំរើន ភេទប្រុស អាយុ២៨ឆ្នាំ រស់នៅភូមិឈើទាល ឃុំសេរីមានជ័យ ស្រុកសំពៅលូន ខេត្តបាត់ដំបង ដែលពួកគាត់បានជួលតពីអាជីករជាជនជាតិថៃ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។