សំណុំរឿងលោក កឹម សុខា តុលាការកំពូលសម្រេចបន្តឃុំខ្លួន
អង្គសវនាការលើបណ្តឹងសុំនៅក្រៅឃុំរបស់លោក កឹម សុខា បានបិទបញ្ចប់ហើយនៅវេលាថ្ងៃត្រង់ ថ្ងៃទី២២ ខែសីហា នេះ តែជាលទ្ធផល តុលាការកំពូលបានអនុញ្ញាតិឲ្យអតីតមេដឹកនាំគណបក្សប្រឆាំងរូបនេះបាននៅក្រៅឃុំឡើយ ដោយតុលាការសម្រេចតម្កល់សាលដីការបស់សាលាឧទ្ធរណ៍ទុកជាបានការដដែល។
សេចក្តីសម្រេចរបស់តុលាការកំពូលនេះ គឺសំអាងហេតុថា ករណីលោក កឹម សុខា ជាបទល្មើសឧក្រិដ្ឋ ដែលចាំបាច់ត្រូវឃុំខ្លួនដើម្បីស៊ើបសួរ ឲ្យបានហ្មត់ចត់ត្រឹមត្រូវ។
គួររំឭកថា លោក កឹម សុខា ត្រូវបានសមត្ថកិច្ចចាប់ខ្លួនពីក្នុងផ្ទះទាំងកណ្ដាលយប់ កាលពីដើមខែកញ្ញា ឆ្នាំ២០១៧ ដោយចោទពីបទ «ក្បត់ជាតិ» និងបញ្ជូនលោកទៅឃុំក្នុងពន្ធនាគារត្រពាំងផ្លុង នៅខេត្តត្បូងឃ្មុំ។ លោក កឹម សុខា ត្រូវបានចោទប្រកាន់ពីបទ សន្ទិដ្ឋិភាពជាមួយបរទេស តាមមាត្រា ៤៤៣នៃក្រមព្រហ្មទណ្ឌ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។