ទូក ង វែងជាងគេលើពិភពលោក អុំសាកល្បង
បើតាមទំព័រហ្វេសប៊ុកផ្លូវការរបស់ ឯកឧត្តម ស សុខា តំណាងរាស្ត្រមណ្ឌលព្រៃវែង ព្រមទាំងជាប្រធានគណៈកម្មការផលិតទូក ង វែងជាងគេលើពិភពលោក បានបង្ហោះវីដេអូបង្ហាញពីសកម្មភាពអុំទូក ង វែងជាងគេលើពិភពលោក នាទឹកដីខេត្តព្រៃវែង កាលពីថ្ងៃទី២៦ ខែសីហា ឆ្នាំ២០១៨។
សូមជម្រាបថា ទូក ង វែងជាងគេលើពិភពលោកនេះ មានប្រវែង ៨៥,៥ម៉ែត្រ ដោយផ្ទុកចំណុះទូកចំនួន ១៧៩នាក់។ ទូកនេះ ធ្វើអំពីឈើគគីរ យ៉ាងតិច៦ដើម ដោយ៣ដើមធ្វើតួទូក និង៣ដើមទៀតធ្វើក្បាល កន្ទុយ និងធាតុផ្សំផ្សេងៗទៀត។ គណៈកម្មការ World Guiness Record នឹងអញ្ជើញចុះមកពិនិត្យមើលដើម្បីវាយតម្លៃក្នុងការដាក់ទូក ង វែងជាគេនៅក្នុងកំណត់ត្រាពិភពលោក។
- គួរបញ្ជាក់ថា ទូកដែលវែងជាងគេលើពិភពលោកនាពេលបច្ចុប្បន្ន គឺជាទូករបស់ប្រទេសចិន ដែលមានប្រវែង ៧៧,៨ម៉ែត្រ ដោយបានបំបែកឯតទគ្គកម្ម កាលពីឆ្នាំ២០១៧៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។