បុរសម្នាក់ រងរបួសធ្ងន់ ខណៈកំពុងដើរលើផ្លូវត្រូវរថភ្លើងបុកពីក្រោយ
ខេត្តព្រះសីហនុ៖ សមត្ថកិច្ចឲ្យដឹងថា បុរសម្នាក់ឈ្មោះ ឡុក គ (ជាមនុស្ស គ ថ្លង់) អាយុ៣០ឆ្នាំ មានទីលំនៅភូមិបឹងវែង ឃុំវាលរេញ ស្រុកព្រៃនប់ ខេត្តព្រះសីហនុ បានរងរបួសធ្ងន់ធ្ងរ ពេលដែលបុរសរូបនេះដើរលើផ្លូវរថភ្លើង ហើយត្រូវរថភ្លើងបុកពីក្រោយ។
សមត្ថកិច្ចបញ្ជាក់ថា ហេតុការណ៍នេះ កើតឡើងវេលាម៉ោងជិត៩ព្រឹកថ្ងៃទី២២កក្កដា២០២១ នៅចំណុចក្បែរស្ថានីយ៍រណបរថភ្លើងវាលរេញ ស្ថិតក្នុងភូមិសំរុងក្រោម ឃុំសំរុង ស្រុកព្រៃនប់ ទំនងជាមិនឮសូរសម្លេងរថភ្លើងមកពីក្រោយ ដោយសារតែជនរងគ្រោះជាមនុស្ស គ ថ្លង់។
ក្រោយកើតហេតុ រថភ្លើងបានបន្តដំណើរទៅមុខ ចំណែកជនរងគ្រោះ ត្រូវបានសមត្ថកិច្ចនាំយកទៅជួយសង្គ្រោះនៅពេទ្យឯកជនវាលរេញ ស្រុកព្រៃនប់៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។