ក្រសួងប្រាប់ឲ្យទិញតេស្តរហ័សរកកូវីដ១៩ ដែលលេខបញ្ជិកាពីក្រសួងសុខាភិបាល ហាមទិញតាមអនឡាញ
តាមរយៈសេចក្តីណែនាំមួយនៅថ្ងៃនេះ ក្រសួងសុខាភិបាលកម្ពុជា បានបញ្ជាក់ដល់ប្រជាពលរដ្ឋដែលមានបំណងចង់ទិញតេស្តរហ័សអត់ទីហ្សែនកូវីដ១៩ សូមរកទិញឧបករណ៍ដែលមានលេខបញ្ជិកាត្រឹមត្រូវ ពីឱសថស្ថាន ឬឱសថស្ថានរងស្របច្បាប់ ហើយត្រូវជៀសវាងការទិញឧបករណ៍តេស្តរហ័សនេះ ពីតាមប្រព័ន្ធអនឡាញគ្រប់ប្រភេទ។
ក្រសួងថា ឧបករណ៍តេស្តរហ័សនេះ គឺតម្រូវឲ្យមានការទុកដាក់ត្រឹមត្រូវ និងត្រូវមានប្រភពច្បាស់លាស់ បើមិនដូច្នោះទេ អាចនឹងប្រឈមជាមួយតេស្តរហ័សដែលមានគុណភាពមិនត្រឹមត្រូវ ឬអាចជាផលិតផលក្លែងបន្លំទៀតផង។
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។