សមត្ថកិច្ចគ្រោងនឹងផាកពិន័យ ចំពោះអ្នកមិនពាក់ម៉ាស់នៅទីសាធារណៈ
ស្នងការដ្ឋាននគរបាលរាជធានីភ្នំពេញ នៅថ្ងៃនេះ បានស្នើដល់បងប្អូនប្រជាពលរដ្ឋដែលរស់នៅក្នុងរាជធានីភ្នំពេញទាំងអស់ នៅពេលធ្វើដំណើរដោយថ្មើរជើង ជិះកង់ ជិះម៉ូតូ ម៉ូតូកង់បី … សូមចូលរួមពាក់ម៉ាស់ឲ្យបានគ្រប់ៗគ្នា ដេីម្បីចូលរួមបង្ការ និងទប់ស្កាត់ការឆ្លងរាលដាលវីរុសកូវីដ១៩ ។
ស្នងការបញ្ជាក់ថា សមត្ចកិច្ចគ្រប់គោលដៅនឹងចាប់ផ្តេីមត្រួតពិនិត្យ ហើយណែនាំអប់រំ, បន្ទាប់ពីធ្វេីការណែនាំហេីយ នៅតែមិនអនុវត្ត នោះសមត្ថកិច្ចនឹងធ្វេីការផាកពិន័យតាមច្បាប់កំណត់។
យោងតាមប្រកាសក្រសួងសុខាភិបាលកម្ពុជាកាលពីខែមីនា បានកំណត់ឱ្យប្រជាពលរដ្ឋទាំងអស់ត្រូវពាក់ម៉ាសឱ្យបានគ្រប់គ្នា និងរក្សាគម្លាតសុវត្ថិភាពឱ្យបាន១ម៉ែត្រកន្លះ ដើម្បីជាការចូលរួមទប់ស្កាត់ការឆ្លងរាលដាលនៃជំងឺកូវីដ១៩នៅក្នុងប្រទេសកម្ពុជា។ ក្នុងនោះ ក្រសួងសុខាភិបាលបានកំណត់ច្បាស់លាស់ថា បុគ្គលណាដែលមិនពាក់ម៉ាសនៅទីសាធារណៈ និងកន្លែងជួបជុំមនុស្សច្រើន និងមិនរក្សាគម្លាតបុគ្គល គឺនឹងត្រូវរងការផាកពិន័យជាទឹកប្រាក់ពីចន្លោះ២០ម៉ឺនរៀលទៅ១លានរៀល៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។