ចាប់ខ្លួនមនុស្ស ៣នាក់ ដកហូតគ្រឿងញៀន ១គីឡូក្រាម នៅខេត្តកំពង់ស្ពឺ
ខេត្តកំពង់ស្ពឺ៖ សមត្ថកិច្ចប្រឆាំងបទល្មើសគ្រឿងញៀន បានចាប់ខ្លួនមនុស្សចំនួន ៣នាក់ និងរឹបអូសគ្រឿងញៀនជាង ១គីឡូក្រាម កាលពីថ្ងៃទី៣០ ខែមិថុនា ឆ្នាំ២០២១កន្លងទៅ នៅចំណុចផ្ទះគ្មានលេខ ភូមិទំនប់ ឃុំគូស ស្រុកសំរោងទង ខេត្តកំពង់ស្ពឺ។
ជនសង្ស័យ ទី១- ឈ្មោះ ភឿង ពេជ្រ ភេទប្រុស កើតឆ្នាំ១៩៨៥ ជនជាតិខ្មែរ, ទី២- ឈ្មោះ តាក់ ថេន ភេទប្រុស កើតឆ្នាំ១៩៩៤ ជនជាតិខ្មែរ និងទី៣- ឈ្មោះ ប៊ុន បាន ភេទប្រុស កើតឆ្នាំ ១៩៨៤ ជនជាតិខ្មែរ។ ចំណែកវត្ថុតាងចាប់បាន មេតំហ្វេតាមីន(ICE) ទម្ងន់ 1023.93g ជញ្ជីងថ្លឹង២គ្រឿង។
បច្ចុប្បន្នជនសង្ស័យ និងវត្ថុតាងខាងលើ ត្រូវបានកសាងសំណុំរឿង បញ្ជូនទៅសាលាដំបូងខេត្តកំពង់ស្ពឺ ចាត់ការតាមនីតិវិធី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។