រកឃើញហើយ! សពជនរងគ្រោះម្នាក់ លង់ទឹកសមុទ្របាត់ខ្លួន នៅឆ្នេរអូរត្រេះ កាលពីម្សិលមិញ
ខេត្តព្រះសីហនុ៖ នៅវេលាម៉ោង ៦ព្រឹក ថ្ងៃទី៤ ខែសីហា ឆ្នាំ២០២១នេះ សពជនរងគ្រោះម្នាក់ ដែលបានលង់ទឹកសមុទ្របាត់ខ្លួន នៅឆ្នេរអូរត្រេះ ក្រុងព្រះសីហនុ កាលពីរសៀលម្សិលមិញ បានអណ្តែតមកទើរលើឆ្នេរខ្សាច់ ដែលមានចម្ងាយប្រហែលជាង១គីឡូម៉ែត្រ ពីកន្លែងកើតហេតុ។
ជនរងគ្រោះឈ្មោះ ជូ ជាគុយ ភេទប្រុស អាយុ២៩ ឆ្នាំ ជនជាតិខ្មែរ ជាមេធាវី មានទីលំនៅរាជធានីភ្នំពេញ បានមកក្រុងព្រះសីហនុ ក្នុងបេសកកម្មការងារ និងទេសចរណ៍។
ក្រោយពេលកើតហេតុ សមត្ថកិច្ច ក្រុមសង្គ្រោះរួមមានអ្នកមុជទឹក បានអន្តរាគមន៍ជួយស្វែងរកជនរងគ្រោះ លុះរហូតមកដល់ព្រឹកនេះ ទើបប្រទះឃើញសពជនរងគ្រោះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។