បង្ក្រាបគ្រឿងញៀនជិត ៤គីឡូក្រាម ឃាត់ខ្លួនមនុស្ស៤នាក់ នៅរាជធានីភ្នំពេញ
ភ្នំពេញ៖ នៅព្រឹក ថ្ងៃទី៦ ខែសីហា ឆ្នាំ២០២១ សមត្ថកិច្ចជំនាញនៃមន្ទីរប្រឆាំងបទល្មើសគ្រឿងញៀន បានបង្ហាញខ្លួនជនសង្ស័យចំនួន ៤នាក់ រួមនឹងគ្រឿងញៀនជិត ៤គីឡូក្រាម ដែលបង្ក្រាបបាននៅរាជធានីភ្នំពេញ កាលពីរសៀល ថ្ងៃទី៣ ខែសីហា ឆ្នាំ២០២១ នៅចំណុចភូមិព្រៃខ្លា សង្កាត់ក្រាំងធ្នុង ខណ្ឌសែនសុខ រាជធានីភ្នំពេញ។
ជនសង្ស័យ ៤នាក់ដែលត្រូវបានចាប់ខ្លួន ឈ្មោះ សាក់ សិដ្ឋ ភេទប្រុស អាយុ ២២ឆ្នាំ ជនជាតិខ្មែរ, ឈ្មោះ ឡុង ដាណេ ភេទប្រុស អាយុ ឆ្នាំ ជនជាតិខ្មែរ, ឈ្មោះ កែវ ណារ៉ុង ភេទប្រុស អាយុ ២៩ឆ្នាំ ជនជាតិខ្មែរ, ឈ្មោះ ឡេង វណ្ណា ភេទប្រុស អាយុ ២៧ឆ្នាំ ជនជាតិខ្មែរ។ ចំណែកវត្ថុតាងដែលចាប់យកបានមាន សារធាតុមេតំហ្វេតាមីន(ICE)ទម្ងន់សុទ្ធ ៣គីឡូ និង ៤៤៧.៧៩ក្រាម។
បច្ចុប្បន្នជនសង្ស័យ និងវត្ថុតាង ត្រូវបានកម្លាំងជំនាញ នៃមន្ទីរប្រឆាំងបទល្មើសគ្រឿងញៀន បានកសាងសំណុំរឿង បញ្ជូនទៅសាលាដំបូងរាជធានីភ្នំពេញ ដើម្បីបន្តតាមនីតិវិធីច្បាប់៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។