ឃាត់ខ្លួនជនសង្ស័យម្នាក់ ដកហូតគ្រឿងញៀន ៦ថង់តូចធំ និងកាំភ្លើង១ដើម នៅស្រុកបវេល
ខេត្តបាត់ដំបង៖ កាលពីថ្ងៃទី៩ ខែសីហា ឆ្នាំ២០២១ សមត្ថកិច្ច បានឃាត់ខ្លួនជនសង្ស័យម្នាក់ នៅចំណុចភូមិព្រៃសង្ហា ឃុំខ្នាចរមាស ស្រុកបវេល ខេត្តបាត់ដំបង ដោយដកហូតបានគ្រឿងញៀនចំនួន ៦ថង់តូចធំ។
ក្នុងកិច្ចប្រតិបត្តិនេះ សមត្ថកិច្ច បានឃាត់ខ្លួនជនសង្ស័យ ឈ្មោះ សេរី ពេជ្យរ៉ាវី ភេទប្រុស អាយុ៣១ឆ្នាំ រស់នៅភូមិកោះរាម ឃុំខ្នាចរមាស ស្រុកបវេល ខេត្តបាត់ដំបង។ ចំណែកវត្ថុតាងចាប់បាន រួមមាន៖ ម្សៅក្រាមពណ៌សថ្លាចំនួន ៦ថង់(ធំ៥ និងតូច១) ថ្នាំគ្រាប់រាងមូលសំប៉ែតពណ៌ផ្កា ឈូកមានអក្សរបរទេសWYលើចំហៀងគ្រាប់ថ្នាំចំនួន ៤៩គ្រាប់ កាំភ្លើងខ្លី ១ដើម មាន៦គ្រាប់ គ្រាប់កាំភ្លើងអាកា ៩គ្រាប់ ម៉ូតូ២គ្រឿង ជញ្ជីងសម្រាប់ថ្លឹងថ្នាំញៀន១ និងសម្ភារៈប្រើប្រាស់ថ្នាំញៀនមួយចំនួនទៀត។
បច្ចុប្បន្នជនសង្ស័យ និងវត្ថុតាង ត្រូវបានកម្លាំងនគរបាលស្រុកបវេល បានកសាងសំណុំរឿងបញ្ជូនទៅការិយាល័យជំនាញ ដើម្បីអនុវត្តបន្តតាមច្បាប់៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។