បង្ក្រាបគ្រឿងញៀន ឃាត់ខ្លួនមនុស្ស ៣នាក់ នៅស្រុកសង្កែ
ខេត្តបាត់ដំបង៖ កាលពីថ្ងៃទី១៧ ខែសីហា ឆ្នាំ២០២១ នគរបាលស្រុកសង្កែ បានចុះបង្ក្រាបករណីចែកចាយគ្រឿងញៀន ដោយបានឃាត់ខ្លួនជនសង្ស័យចំនួន ៣នាក់ នៅចំណុចក្រុមទី១៤ ភូមិកំពង់ឆ្លង ឃុំវត្តតាមិម ស្រុកសង្កែ ខេត្តបាត់ដំបង។
នគរបាលស្រុកសង្កែ បានឲ្យដឹងថា ជនសង្ស័យទាំង៣នាក់នោះ ឈ្មោះ ស ម៉ាប់ ភេទប្រុស អាយុ២៩ឆ្នាំ, ឈ្មោះ ប្រម ម៉េងលី (ហៅ មុង) ភេទប្រុស អាយុ២៣ឆ្នាំ និងឈ្មោះ លួត ស្រីនាង ភេទស្រី អាយុ២២ឆ្នាំ។
ចំណែកវត្ថុតាងដកហូត បានរួមមាន៖ ថ្នាំញៀនម៉ាទឹកកកចំនួន ៨ថង់ ថង់ច្រករំលែក និងសម្ភារៈកែឆ្នៃសម្រាប់ប្រើប្រាស់មួយចំនួន កាបូបលុយចំនួន១ ប្រាក់ខ្មែរ ២០,០០០រៀល និងទូរស័ព្ទដៃសេរីចាស់ ២គ្រឿង។
បច្ចុប្បន្នជនសង្ស័យ ត្រូវបាននគរបាលស្រុក កសាងសំណុំរឿងបញ្ចូនមកការិយាល័យជំនាញ ដើម្បីអនុវត្តបន្តតាមច្បាប់៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។