ចាប់ខ្លួនបុរសម្នាក់ រឹបអូសគ្រឿងញៀនជិត ២គីឡូក្រាម នៅក្រុងកំពង់ឆ្នាំង!
ខេត្តកំពង់ឆ្នាំង៖ សមត្ថកិច្ចជំនាញ នៃមន្ទីរប្រឆាំងបទល្មើសគ្រឿងញៀន បានចាប់ខ្លួនបុរសម្នាក់ និងរឹបអូសគ្រឿងញៀនជិត ២គីឡូក្រាម កាលពីថ្ងៃទី១៦ ខែសីហា ឆ្នាំ២០២១ ដើមសប្តាហ៍នេះ នៅសង្កាត់ខ្សាម ក្រុងកំពង់ឆ្នាំង ខេត្តកំពង់ឆ្នាំង។
សមត្ថកិច្ចបាន ឲ្យដឹងថា ជនសង្ស័យខាងលើ ឈ្មោះ ប៉ន វ៉ាន ភេទប្រុស អាយុ៣២ឆ្នាំ ជនជាតិខ្មែរ រីឯវត្ថុតាងដកហូតបាន មេតំហ្វេតាមីន(ICE) ទម្ងន់សុទ្ធ ១គ.ក្រ ៦៦០.២៨ក្រាម ទូរស័ព្ទ ១គ្រឿង។
បច្ចុប្បន្នជនសង្ស័យ និងវត្ថុតាងចាប់យកខាងលើ សមត្ថកិច្ចជំនាញ បានកសាងសំណុំរឿងបញ្ជូនទៅសាលាដំបូងខេត្តកំពង់ឆ្នាំង បន្តតាមនីតិវិធី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។