កម្ពុជា រកឃើញវីរុសកូវីដ-១៩ បំប្លែងថ្មី Delta ១៦៤ករណីបន្ថែមទៀត
ភ្នំពេញ៖ ក្រសួងសុខាភិបាល បានបញ្ជាក់ថា នៅថ្ងៃទី២៩ ដល់ថ្ងៃទី៣១ ខែសីហានេះ បានរកឃើញវីរុសកូវីដ-១៩បំប្លែងថ្មី Deltaចំនួន ១៦៤ករណីបន្ថែមទៀត។
ក្រសួងបានបញ្ជាក់ថា គិតចាប់តាំងពីថ្ងៃទី៣១ មីនា ឆ្នាំ២០២១ រហូតមកដល់ថ្ងៃទី៣១ សីហា ឆ្នាំ២០២១ គេបានរកឃើញករណីឆ្លងវីរុសកូវីដ-១៩បំប្លែងថ្មីប្រភេទដែលតា (Delta) នៅប្រទេសកម្ពុជា សរុប១ពាន់៩១៦នាក់ លើអ្នកដំណើរពីបរទេសតាមជើងហោះហើរ ពលករខ្មែរត្រលប់ពីប្រទេសថៃ ពីប្រទេសវៀតណាម ប្រជាជនអ្នកភូមិក្នុងសហគមន៍ ក្រុមហ៊ុនឯកជន បុគ្គលិកសុខាភិបាល បុគ្គលិកធនាគារ ដូនជីនៅវត្តនិងសិស្ស។
វីរុសបំប្លែងថ្មីដែលថា ត្រូវបានរកឃើញក្នុងរាជធានីខេត្តចំនួន២៣ហើយក្នុងចំណោម២៥រាជធានី ខេត្តទូទាំងប្រទេស លើកលែងតែខេត្ត២ប៉ុណ្ណោះគឺខេត្តកែប និងខេត្តក្រចេះ នៅមិនទានរកឃើញករណីដែលតានៅឡើយ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។