ប្រទេសថៃ ករណីឆ្លងកូវីដប្រចាំថ្ងៃបន្តធ្លាក់ចុះ ខណៈជាសះស្បើយកើនឡើង
ថៃ៖ ប្រទេសថៃបានប្រកាស នាព្រឹកថ្ងៃទី៧ កញ្ញានេះថា ក្នុងពេល២៤ម៉ោងមកនេះ មានឆ្លងថ្មី១៣៨២១នាក់ ខណៈជាសះស្បើយចំនួន ១៦៧៣៧នាក់ ជាការកត់សម្គាល់ថា ឆ្លងប្រចាំថ្ងៃបន្តធ្លាក់ចុះ ពោលគឺក្រោយម១៤០០០នាក់ ប៉ុន្មានថ្ងៃមកនេះ រីឯអ្នកជាសះស្បើយកើនឡើង នេះបើតាមការចេញផ្សាយរបស់បាងកកប៉ុស្តិ៍។
យ៉ាងណាក៏ដោយ របាយការណ៍របស់ក្រសួងសុខាភិបាលក៏បានអះអាងដែរថា មានមនុស្សស្លាប់២៤១នាក់ ព្រោះជំងឺនេះ កាលពីថ្ងៃចន្ទម្សិលមិញនេះ។
ថៃ មានអ្នកវិជ្ជមានកូវីដ១៩ សរុប ចំនួន១,២៧៩,៤៨០នាក់ ហើយ ក្នុងនោះ មាន១,១២២,១៦៩នាក់ជាសះស្បើយឡើងវិញ ខណៈមនុស្សស្លាប់ព្រោះជំងឺនេះក្នុងប្រទេសកើនដល់១៣៨៣នាក់ហើយដែរ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។