លោក លឹម ក្លឹង ប្រធានការិយាល័យ​ភូមិបាល​ស្រុក​ចុងកាល់ រង​ការ​ចោទថា ប្រើ​តួនាទី​ជំរិត​ទា​លុយ​ពី​ពលរដ្ឋ​ដែល​សាងសង់​សំណង់​និង​ជួសជុល​

ដោយ៖ ​សុខ ឆា​នុ​ន

​ខេត្ត​ឧ​ត្ត​មានជ័យ​៖ លោក លឹម ក្លឹង ប្រធាន​ការ​រិ​យា​ល័យ​ភូមិបាល​ស្រុក​ចុងកាល់ នៃ​ខេត្ត​ឧ​ត្ត​រ​មានជ័យ កំពុងតែ​រង​ការចោទប្រកាន់​ពី​ពលរដ្ឋ​ជាច្រើន​គ្រួសារ​ថា បាន​ប្រើប្រាស់​តួនាទី​និង​អំណាច របស់ខ្លួន ជំរិត​ទា​ប្រាក់​ពួកគាត់ ក្នុងការ​សាងសង់​សំណង់​ផ្សេងៗ​នាពេល​កន្លងមក ។​

​ជាក់ស្តែង​នៅ​ថ្ងៃទី​១៣ ខែកញ្ញា ឆ្នាំ​២០១៨​នេះ ក៍មាន​ការលើកឡើង​ពី​ប្រជាពលរដ្ឋ​ចំនួន​៤​គ្រួសារ​ដែល​រស់នៅក្នុង​ភូមិ​បន្ទាយ​ថ្មី និង​ភូមិ​ចុងកាល់ នៃ​ឃុំ​និង​ស្រុក​ចុងកាល់ ខេត្តឧត្ដរមានជ័យ បានអោយដឹង​ស្រដៀងៗ​គ្នា​ពាក់ព័ន្ធ​និង​ទង្វើ​របស់លោក លឹម ក្លឹង​ខាងលើ ក្នុងនោះ ៖

​ទី​១-​ឈ្មោះ ថោង ឆ្លា​ន អាយុ​៦៤​ឆ្នាំ បានអោយដឹងថា គ្រាន់តែ​រូបគាត់​សាងសង់​ផ្ទះ​តូច​មួយ ត្រូវបាន​លោក លឹម​ខ្លឹង តម្រូវអោយ​បង់ប្រាក់​ចំនួន​ពីលើ​ក លើក​ទី​១​ចំនួន​៣០​ម៉ឺន​រៀល ដោយ​ប្រាប់ថា​ជា​ថ្លៃ​កាត់​ផ្ល​ង់​ដី លើក​ទី​២​ចំនួន​២០០​ដុល្លា ដោយ​ប្រាប់ថា​ជា​ថ្លៃ​សុំច្បាប់​ការ​អនុ​ញ្ញ​ត្ត​សាងសង់ ។​

​ទី​២-​ឈ្មោះ ឈៀង ម៉ិ​ញ ភេទ​ស្រី បាន​ជួសជុលផ្ទះ​បន្ថែម ត្រូវបាន​លោក លឹម ខ្លឹង តម្រូវអោយ​បង់ប្រាក់​២០​ម៉ឺន​រៀល​។​

​ទី​៣-​អាជីវ​ករលក់​គ្រឿងសំណង់ ឈ្មោះ​ឌៀប ឡាំ និង​ប្រពន្ធ​ឈ្មោះ ង៉ែត វួ​ច​អេង បានអោយដឹងថា ជុំ​ហ៊ាន​ទី​១​ពេល​រូបគាត់​ទៅសុំ​ច្បាប់​សាងសង់​ត្រូវ​លោក លឹម ខ្លឹង ទាមទា​ប្រាក់​ចំនួន ជាង​មួយ​ពាន់​ដុល្លា ដោយ​ច​ចារ ស្រុះស្រួល​គ្នា​ក្នុងតម្លៃ​៨០០$ នៅពេលដែល​មិនទាន់មាន​ប្រាក់​យកទៅ​បង់​ជូន​ត្រូវបាន​គេ​បិទ​ការសាងសង់​ប​ណ្ណោះ​អាសន្ន រហូត​មាន​ប្រាក់​បង់​ទើប​អោយ​សាងសង់​បន្ដរ ។​

ទី​៤-​អាជីវក​រកា​រ៉ា​ស់​សាំង​ឈ្មោះ ឡៃ​វ៉ា សុំច្បាប់​សាងសង់​យក​អស់ពី​ពាន់​ប្រាំបី​រយ​ដុល្លា​(២៨០០$)​ដើម្បី​រត់ ច្បាប់​សាងសង់​។​

​ជុំវិញ​ការទាមទា​ប្រាក់​បែប​អនាធិបតេយ្យ ដោយ​គ្មាន​គល់បញ្ជី បង្កាន់ដៃ ត្រឹមត្រូវ​តាមច្បាប់​ដូច​ប្រជាពលរដ្ឋ​ចោទប្រកាន់​ខាងលើ​នោះ លោក លឹម ក្លឹង បាន​ឲ្យ​ដឹង​តាម​ទូរ​សព្ទ័​ថា វា​ជា​រឿង​ធម្មតា​ទេ​ថ្លៃ​សេ​វ៉ា​រត់​ការអោយ​រលូន ត្រូវ​ចំណាយលុយ​ខ្លះ​ហើយ ហើយ​ប្រជាពលរដ្ឋ​ក៏បាន​ឯកភាពគ្នា​ដែរ​មុននឹង​ប្រគល់់​លុយ តែ​ចំពោះ​រឿង​ចោទប្រកាន់ថា ដើរ​ប្រមូលប្រាក់​នៅតាម​ការជួសជុល​ផ្ទះ​នោះ​ជា​រឿង​មិន​ពិត​នោះទេ ហើយ​រឿង​ដែល​ពាក់ព័ន្ធ​ខាងលើនេះ គឺ​វា​បានកើត​យូរ​មកហើយ​ដែរ តែមាន​គេច​ង់​ធ្វើបាប​មកលើ​រូបលោក ទើប​គាស់កកាយ​រឿង​ចាស់​យកមក​និយាយ ហើយ​រឿងនេះ​លោក​ក៍បាន​រាយ​ការ​ប្រាប់​ប្រធាន​មន្ទី និង​អភិបាលខេត្ត​រួចរាល់​ហើយ​ដែរ​៕

 

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

Close