នគរបាលស្រុកកណ្តៀង ឃាត់ខ្លួនបុរសម្នាក់ ដកហូតគ្រឿងញៀន ៣កញ្ចប់
ខេត្តពោធិ៍សាត់៖ កាលពីរសៀល ថ្ងៃទី០៩ ខែកញ្ញា ឆ្នាំ២០២១ កម្លាំងនគរបាលស្រុកកណ្តៀង បានចុះបង្ក្រាបករណីគ្រឿងញៀន ដោយឃាត់ខ្លួនជនសង្ស័យម្នាក់ នៅភូមិអន្លង់ហាប ឃុំកោះជុំ ស្រុកកណ្តៀង ខេត្តពោធិ៍សាត់។
តាមរបាយការណ៍របស់អធិការដ្ឋាននគរបាលស្រុកកណ្តៀង បានឲ្យដឹងថា ជនសង្ស័យឈ្មោះកែវ សុជា ភេទប្រុស អាយុ២៥ឆ្នាំ ជនជាតិខ្មែរ រស់នៅភូមិទួលពង្រ ឃុំវាល ស្រុកកណ្តៀង ខេត្តពោធិ៍សាត់។
ចំណែកវត្ថុតាងដកហូតបាន៖ ម្សៅក្រាមពណ៌សថ្លា សង្ស័យគ្រឿងញៀនចំនួន ០៣កញ្ចប់ (តូចមានចំនួន ០២កញ្ចប់ និងធំមានចំនួន ០១កញ្ចប់) មានទម្ងន់សរុបចំនួន ១៥.០៧ក្រាមថ្លឹងទាំងសំបកថង់ និងទូរស័ព្ទដៃចំនួន ០១គ្រឿង។
បច្ចុប្បន្នជនសង្ស័យ ត្រូវបានកម្លាំងនគរបាល បានបញ្ជូនមកកាន់អធិការដ្ឋាននគរបាលស្រុកកណ្តៀង ដើម្បីចាត់ការបន្តតាមនីតិវិធី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។