ជិះម៉ូតូលឿន ជ្រុលបុកបង្កាន់ដៃស្ពាន ដួលស្លាប់ម្នាក់ភ្លាមៗ នៅនឹងកន្លែង!
ខេត្តពោធិ៍សាត់៖ បុរសម្នាក់ ស្លាប់ភ្លាមៗ នៅនឹងកន្លែង ក្នុងករណីគ្រោះថ្នាក់ចរាចរណ៍បង្កដោយខ្លួនឯង ខណៈបើកម៉ូតូលឿន ហើយជ្រុលទៅបុកបង្កាន់ដៃស្ពាន កាលពីយប់ ថ្ងៃទី១២ ខែកញ្ញា ឆ្នាំ២០២១ នៅចំណុចលើស្ពានក្រសារ (ផ្លូវកោង) ក្នុងភូមិចុងខ្លុង ឃុំអូរសណ្តាន់ ស្រុកក្រគរ ខេត្តពោធិ៍សាត់ ។
សមត្ថកិច្ច បានឲ្យដឹងថា មុនពេលកើតហេតុ គេឃើញមានបុរសខាងលើ ជិះម៉ូតូមួយគ្រឿង ម៉ាក HONDA C125 ពណ៌ខ្មៅ ពាក់ផ្លាកលេខ ពោធិ៍សាត់ 1. K 5794 ក្នុងល្បឿនលឿន ទិសដៅពីត្បូងទៅជើង មកដល់ចំណុចផ្លូវកោង ស្ពានក្រសារ ស្រាប់តែម៉ូតូជ្រុលទៅបុកបង្កាន់ដៃស្ពាន ធ្លាក់ចូលទៅក្នុងទឹក បណ្តាលឲ្យជនរងគ្រោះស្លាប់តែម្តង។
ជនរងគ្រោះ ឈ្មោះ ទាំ វណ្ណសូត្រ អាយុ ២៧ឆ្នាំ ភេទប្រុស ជនជាតិ ខ្មែរឥស្លាម រស់នៅភូមិ ចុងខ្លុង ឃុំ អូរសណ្តាន់ ស្រុកក្រគរ ខេត្តពោធិ៍សាត់។ សាកសព ត្រូវសមត្ថកិច្ចបានធ្វើកំណត់ហេតុរួច ប្រគល់ជូនក្រុមគ្រួសារយកទៅធ្វើបុណ្យតាមប្រពៃណី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។