នគរបាលក្រុងបាត់ដំបង ឃាត់ខ្លួនអ្នកកត់កន្ទុយលេខឆ្នោតម្នាក់!
ខេត្តបាត់ដំបង៖ កាលពីរសៀលថ្ងៃទី១៦ ខែ កញ្ញា ឆ្នាំ២០២១ កម្លាំងនគរបាលក្រុងបាត់ដំបង បានចុះបង្ក្រាបករណីល្បែងស៊ីសងខុសច្បាប់ (កត់កន្ទុយលេខឆ្នោត) នៅចំណុចផ្សារបន្លែ ក្នុងភូមិអញ្ចាញ សង្កាត់អូរចារ ក្រុងបាត់ដំបង ដោយឃាត់អ្នកដាក់តុកត់កន្ទុយលេខឆ្នោតម្នាក់។
អ្នកដែលឃាត់ខ្លួនមោះ ឈ្មោះ បាន សាវ៉េត ភេទស្រី អាយុ៤២ឆ្នាំ មានទីលំនៅភូមិចំការសំរោង២ សង្កាត់ចំការសំរោង ក្រុងបាត់ដំបង ខេត្តបាត់ដំបង។ ចំពោះសំភារៈដកហូតបាន៖ ប្រាក់ ៦០ម៉ឺនរៀល ទូរស័ព្ទដៃ ១គ្រឿង បន្ទាត់ដែក១ ម៉ាស៊ីនគិតលេខ១គ្រឿង ក្រដាស់កាតុងកត់ឆ្នោត មានលេខឆ្នោត មួយចំនួន សៀវភៅចេញឆ្នោត១ក្បាល ប៊ិច ២ដើម។
ក្រោយពេលធ្វើការសាកសួររួច នគរបាលក្រុង បានរៀបចំសំណុំរឿងបញ្ជូនមកការិយាល័យជំនាញ ដើម្បីអនុវត្តតាមនីតិវិធី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។