ផ្ទុះកំប៉ុងហ្គាស ឆេះសម្ភារៈក្នុងផ្ទះអស់ទាំងស្រុង ស្លាប់លោកតាម្នាក់!
ភ្នំពេញ៖ ករណីគ្រោះអគ្គិភ័យមួយ បានកើតឡើងកាលពីវេលាម៉ោង ១និង៤០នាទី រំលងអធ្រាត្រ ថ្ងៃទី២២ ខែកញ្ញា ឆ្នាំ២០២១ ស្ថិតនៅចំណុចផ្ទះលេខ១៥៩E2z ផ្លូវលេខ១៦៩ ភូមិ៤ សង្កាត់វាលវង់ ខណ្ឌ៧មករា រាជធានីភ្នំពេញ បណ្តាលឲ្យស្លាប់លោកតាម្នាក់។
នគរបាលរាជធានីភ្នំពេញ បានប្រាប់ឲ្យដឹងថា ម្ចាស់ទីតាំងឈ្មោះ ង្វៀង យុំាងឡាង ភេទប្រុស ចំពោះមូលហេតុ គឺបណ្តាលមកពីការ ផ្ទុះកំប៉ុងហ្គាសបង្កជាអគ្គិភ័យ។ ក្នុងហេតុការណ៍មួយនេះ បានឆេះបំផ្លាញ ថ្មបេតុង ដែលមានទំហំ ៤ម៉ែត្រ x ១២ម៉ែត្រ ឆេះអស់សម្ភារៈប្រើប្រាស់ទាំងស្រុង នឹងពុំបណ្តលឲ្យឆេះរាលដាលដល់ផ្ទះអ្នកជិតខាងឡើយ ។
ប្រភព បន្តថា ក្នុងហេតុការណ៍នេះ បានបណ្តាលឲ្យបុរសវ័យចំណាស់ម្នាក់ ឈ្មោះ តាណាវ អាយុ៧០ឆ្នាំ មុខរបរនៅផ្ទះ បានស្លាប់ក្នុងហេតុការណ៍គ្រោះអគ្គិភ័យ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។