បើកទ្វារទឹកទំនប់វារីអគ្គិសនីតាតៃ ខេត្តកោះកុង, អាជ្ញាធរ សូមឲ្យពលរដ្ឋប្រុងប្រយ័ត្ន!
កោះកុង៖ ក្រុមហ៊ុនវារីអគ្គិសនីតាតៃ បានប្រកាសបើកទ្វារទំនប់ទឹក នៅរសៀលថ្ងៃទី១២ ខែតុលា ឆ្នាំ២០២១ បន្ទាប់ពីទឹកភ្លៀងពីខ្សែទឹកខាងលើអាងស្តុកទឹកវារីអគ្គសនីតាតៃ កំពុងកើនឡើងជាលំដាប់។
តាមការរំពឹងទុករបស់ក្រុមហ៊ុនវារីអគ្គិសនីតាតៃ បានឱ្យដឹងថា ការបើកទ្វារទឹក បានធ្វើឡើងកាលពីរសៀលម៉ោង ១៤:០០ ដែលលំហូរទឹកបញ្ចេញមាន ១២០០ ម៉ែត្រគូបក្នុងមួយវិនាទី។
អាជ្ញាធរខេត្តកោះកុង បានអំពាវនាវដល់ប្រជាពលរដ្ឋរស់នៅតាមដៃព្រែក ស្ថិតក្នុងឃុំតាតៃក្រោម ស្រុកកោះកុង ខេត្តកោះកុង បង្កើនការប្រុងប្រយ័ត្នខ្ពស់ ជៀសវាងគ្រោះថ្នាក់ជាយថាហេតុ។
សូមជម្រាបថា ខេត្តកោះកុង បានរងផលប៉ះពាល់ដោយសារឥទ្ធិពលព្យុះភ្លៀងពីប្រទេសចិន ឈ្មោះថា កុំប៉ាស៊ូ ដែលបានធ្វើឱ្យផ្លូវសំខាន់ៗ និងផ្ទះសម្បែងរបស់ប្រជាពលរដ្ឋនៅក្នុងក្រុងខេមរភូមិន្ទ និងតាមបណ្ដាស្រុកនានា ត្រូវបានជន់លិច៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។