ឆេះខុនដូរនៅតៃវ៉ាន់ស្លាប់និងរបួសជាង៥០នាក់
នៅថ្ងៃទី ១៤ខែតុលា មានគ្រោះអគ្គិភ័យឆាប់ឆេះអគារខុនដូរទំនើបនៅកោះតៃវ៉ាន់បណ្តាលឲ្យមានមនុស្ស ៩នាក់ស្លាប់ និង ៤៤នាក់រងរបួស ។
សារព័ត៌ Focus របស់កោះតៃវ៉ាន់ បានផ្សាយថា គ្រោះអគ្គិភ័យបានឆាប់ឆេះអគារខុនដូរកម្ពស់១៣ជាន់ នៅក្នុងទីក្រុង Kaohsiung ភាគខាងត្បូងកោះតៃវ៉ាន់។
តាមព័ត៌មានជាបឋម អណ្តាតភ្លើងឆាប់ឆេះចេញពីជាន់ទីមួយនៃអគារ ក្រោយមកក៏បានរាលដាលទៅកាន់ជាន់ផ្សេងៗទៀតក្នុងអគារ។ តាមប្រភពព័ត៌មាន ចាប់តាំងពីជាន់ទី ៧ដល់ជាន់ទី១១គឺជា បន្ទាប់ជួលសម្រាប់គ្រួសារមានចំណូលទាប់។
មន្ត្រីក្នុងតំបន់បានឲ្យដឹងថា មានមនុស្ស ជាង១០០នាក់រស់នៅក្នុងអគារខុនដូរខាងលើក្នុងពេលឆាប់ឆេះ ក្នុងនោះមានមនុស្សវ័យចំណាស់ជាច្រើន ។ ក្រុមជួយសង្គ្រោះបានជួយមនុស្ស២២នាក់ចេញពីភ្នក់ភ្លើងដោយសុវត្ថិភាព។
នៅពេលនេះមិនទាន់ដឹងពីមូលហេតុបណ្តាលឲ្យឆាប់ឆេះនៅឡើយទេ។ ក្រុមជំនាញកំពុងបើការស្រាវជ្រាវ ។ អ្នកស្លាប់អាចនឹងបន្តកើនឡើងខ្ពស់ ដោយសារតែនៅមានអ្នករងរបួសជាច្រើននាក់កំពុងតែសង្គ្រោះបន្ទាន់នៅក្នុងមន្ទីរពេទ្យ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។