រាល់សកម្មភាពនៅក្នុងប្រទេសអារ៉ាប៊ីសាអូឌិត ដំណើរការធម្មតាវិញហើយ
អារ៉ាប៊ីសាអូឌីតបានអនុញ្ញាតឲ្យពលរដ្ឋប្រមូលផ្តុំគ្នា និងលុបចោលច្បាប់បង្ខំពាក់ម៉ាស់នៅទីសាធារណៈចំពោះពលរដ្ឋណាដែលបានចាក់វ៉ាក់សាំងគ្រប់ចំនួនពីរដូស។
កាលពីថ្ងៃទី ១៧ ខែតុលា នាយករដ្ឋានអាកាសចរណ៍ស៊ីវិល អារ៉ាប៊ី សាអូឌិត បានប្រកាសថា អាកាសយានដ្ឋានទាំងអស់នៅក្នុងប្រទេសនេះទទួលបានការអនុញ្ញាតឲ្យដំណើរការហោះហើរដូចដើមវិញ។ សារព័ត៌មាន Saudi Arabia (SPA ) បានផ្សាយថា ក្រសួងមហាផ្ទៃប្រទេសនេះបានលុបច្បាប់រិតត្បិតប្រឆាំងកូវីដ១៩ ហើយអនុញ្ញាតឲ្យពលរដ្ឋដែលបានចាក់វ៉ាក់សាំងគ្រប់ចំនួនពីរដូសអាចជួបជុំគ្នាបានដោយមិនចាំបាច់ពាក់ម៉ាស់ឡើយ។
ព្រះវិហារសាសនាអ៊ីស្លាមធំបំផុតគឺព្រះវិហារ Mecca ទទួលបានការអនុញ្ញាតឲ្យបើកទ្វារដំណើរការធម្មតាឡើងវិញ ដោយសាសនិកអាចចូលទៅបួងសួងដូចដើមជាលើកដំបួងចាបតាំងពីផ្ទុះកូវីដ ១៩ ។
ក្រៅពីនេះក្រសួងកីឡា អារ៉ាប៊ី សាអូឌិត ក៏បានអនុញ្ញាតឲ្យពលរដ្ឋដែលបានចាក់វ៉ាក់សាំងរួចរាល់ ចូលទៅទស្សនាការប្រកួតបាលទាត់ ដូចធម្មតាមិនមានគម្លាត់អ្វីនោះឡើយ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។