រថយន្តដឹកដី បើកចុះចំណោត ជ្រុលបុកចូលផ្ទះកំពុងសាងសង់ រងរបួសអ្នកបើកបរម្នាក់!
ខេត្តព្រះសីហនុ៖ រថយន្តដឹកដី ១គ្រឿង ខណៈបើកចុះផ្លូវចំណោតវត្តលើ ហើយបានជ្រុលមកបុកចូលផ្ទះពលរដ្ឋកំពុងសាងសង់ (ម្តុំមហោស្រពចាស់) ក្នុងសង្កាត់លេខ២ ក្រុងព្រះសីហនុ កាលពីម៉ោងជាង៣រសៀល ថ្ងៃ៣វិច្ឆិកា២០២១ បណ្តាលឲ្យមានមនុស្សម្នាក់ រងរបួស។
សមត្ថកិច្ច បានឲ្យដឹងថា រថយន្តបង្កខាងលើ ខណៈកំពុងបើកចុះចំណោតហ្វ្រាំងមិនស៊ី ទើបជ្រុលមកបុកចូលផ្ទះកំពុងសាងសង់ បណ្តាលឲ្យអ្នកបើកបររងរបួសជើងតែម្តង។ រថយន្តបែន ម៉ាក HYUNDAI ពាក់ផ្លាកលេខ ភ្នំពេញ3D-3120 អ្នកបើកបរឈ្មោះ យេង ថាន់ ភេទប្រុស អាយុ ២៧ឆ្នាំ មុខរបរបេីកបររថយន្ត មានទីលំនៅ ភូមិ១ សង្កាត់លេខ១ ក្រុងព្រះសីហនុ ។
ក្រោយកើតហេតុ ភាគីខាងរថយន្ត បានយល់ព្រមសងការខូចខាតដល់ភាគីម្ចាស់ផ្ទះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។