ម៉ូតបុកកង់ ស្លាប់ម្នាក់ និងរបួសធ្ងន់ម្នាក់ នៅស្រុកភ្នំស្រួច
ខេត្តកំពង់ស្ពឺ៖ កាលពីល្ងាចថ្ងៃទី០៧ ខែវិច្ឆិកា ឆ្នាំ២០២១ ករណីគ្រោះថ្នាក់មួយរវាងម៉ូតូ បើកបុកកង់ បណ្តាលឲ្យមនុស្សស្លាប់ម្នាក់ និងរបួសធ្ងន់ម្នាក់ នៅលើផ្លូវល្បឿនលឿន ត្រង់ចំណុចភូមិត្រពាំងអត់ទឹក ឃុំគីរីវ័ន្ត ស្រុកភ្នំស្រួច ខេត្តកំពង់ស្ពឺ។
សមត្ថកិច្ចមូលដ្ឋាន បានឲ្យដឹងថា មុនពេលកើតហេតុ គេឃើញមានម៉ូតូ ១គ្រឿង ម៉ាកហុងដា ពណ៌ខ្មៅ ពាក់ស្លាកលេខភ្នំពេញ 1BN-3336 បើកបរពីលិចទៅកើត ដល់ចំណុចខាងលើ បានបុកកង់១គ្រឿង ជិះបញ្ច្រាសគ្នា បណ្តាលឲ្យអ្នកជិះម៉ូតូស្លាប់ភ្លាមៗ រីភាគីកង់រងរបួសធ្ងន់។
ជនរងគ្រោះ ឈ្មោះ សេង សៅ ភេទប្រុស អាយុ២០ឆ្នាំ នៅភូមិក្រាំងពោធិ៍ ឃុំអូរ ស្រុកភ្នំស្រួច (ស្លាប់) និងម្នាក់ទៀត ឈ្មោះ ជៃ វឿន ភេទប្រុស អាយុ៥៦ឆ្នាំ នៅភូមិត្រពាំងអត់ទឹក ឃុំគីរីវ័ន្ត ស្រុកភ្នំស្រួច (របួសធ្ងន់)។
ក្រោយពេលកើតហេតុ សមត្ថកិច្ច បានចុះពិនិត្យ និងបានប្រគល់សពជូនគ្រួសារ យកទៅធ្វើបុណ្យតាមប្រពៃណី។ រីឯអ្នករងរបួស បានបញ្ជូនទៅសង្គ្រោះនៅមន្ទីរពេទ្យ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។