ចាប់ជនសង្ស័យ ៣នាក់ និងថ្នាំញៀន ១២កញ្ចប់ នៅក្រុងព្រះសីហនុ
ខេត្តព្រះសីហនុ៖ កម្លាំងស្នងការនគរបាលខេត្ត ខេត្តព្រះសីហនុ បានចុះប្រតិបត្តិការបង្ក្រាបករណីគ្រឿងញៀន ដោយឃាត់ជនសង្ស័យចំនួន ០៣នាក់ ត្រូវបានឃាត់ខ្លួន កាលពីវេលាម៉ោង២៣ និង៤០នាទី ថ្ងៃទី០៧ ខែធ្នូ ឆ្នាំ២០២១ ស្ថិតនៅចំណុច ភូមិ០៤ សង្កាត់លេខ០៤ ក្រុងព្រះសីហនុ ខេត្ដព្រះសីហនុ ។
មន្ត្រីនគរបាលក្រុងព្រះសីហនុ បានឲ្យដឹងថា ៖ ជនសង្ស័យចំនួន ០៣នាក់ ១-ឈ្មោះ មាស ណារ៉ា ភេទប្រុស អាយុ ២២ ឆ្នាំ ជនជាតិខ្មែរ ២-ឈ្មោះ ពៅ យ៉ង់ ភេទ ស្រី អាយុ ៣៩ ឆ្នាំ ជនជាតិខ្មែរ ៣-ឈ្មោះ ដួង រដ្ឋា អាយុ ៣៤ ឆ្នាំ ជនជាតិខ្មែរ។ ចំពោះវត្ថុតាងដកហូតបាន ម្សៅក្រាមពណ៌សថ្លាចំនួន ១២កញ្ចប់ បំពង់ជក់ថ្នាំ១ និងទូរស័ព្ទ ៤គ្រឿង។
បច្ចុប្បន្នជនសង្ស័យ ត្រូវបានកម្លាំងជំនាញកសាងសំណុំរឿងបញ្ជូនទៅស្នងការដ្ឋានននគរបាលខេត្តព្រះសីហនុ ចាត់ការតាមផ្លូវច្បាប់៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។