បង្ក្រាបករណីគ្រឿងញៀន នៅក្រុងបាត់ដំបង ឃាត់ខ្លួនមនុស្ស ៨នាក់!
ខេត្តបាត់ដំបង៖ កាលពីថ្ងៃទី១២ ខែធ្នូ ឆ្នាំ២០២១ កម្លាំងនគរបាលក្រុងបាត់ដំបង បានចុះបង្ក្រាបករណីគ្រឿងញៀន ដោយបានឃាត់ខ្លួនជនសង្ស័យចំនួន ៨នាក់ នៅត្រង់ចំណុចភូមិអូរខ្ជាយ សង្កាត់ព្រែកព្រះស្តេច ក្រុងបាត់ដំបង។
នគរបាលក្រុង បានឲ្យដឹងថា ក្នុងប្រតិបត្តិការនេះ ដកហូតបានវត្ថុតាង ថ្នាំញៀនប្រភេទកេតាមីន (KETAMINE) ចំនួន១ថង់ ទម្ងន់ ០,៥៥ក្រាម។
បច្ចុប្បន្នជនសង្ស័យទាំង៨នាក់ខាងលើ ត្រូវបានសមត្ថកិច្ចនគរបាលជំនាញ កសាងសំណុំរឿងបញ្ជូនទៅសាលាដំបូងខេត្ត ដើម្បីអនុវត្តបន្តតាមនីតិវិធី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។