អ៊ីរ៉ង់ត្រៀមអាវុធរួចរាលសម្រាប់ធ្វើសង្គ្រាមកម្ទេចអ៊ីស្រាអែល
ពីដើមមកអ៊ីស្រាអែល មានយុទ្ធសាស្ត្រធ្វើសង្គ្រាម យ៉ាងល្អបំផុត ហើយបានយកឈ្នះនៅគ្រប់សមរភូមិ បើទោះបីកម្លាំងរបស់អ៊ីស្រាអែលមានតិចជាងសត្រូវក្តី ។ ក្នុងពេលនេះដែរ អីស្រាអែលនិងអ៊ីរ៉ង់កំពុងប្រឈមមុខដាក់គ្នាយ៉ាងតឹងតែងអាចផ្ទុះសង្គ្រាមគ្រប់ពេល។
អ៊ីរ៉ង់បានដាក់ពង្រាយកាំជ្រួចមីស៊ីលរយៈចម្ងាយឆ្ងាយ នៅតាមព្រំដែនអ៊ីរ៉ាក់ អាចជួយកាត់បន្ថយរយៈពេល វាយប្រហារទៅលើប្រទេសអ៊ីស្រាអែល ដោយប្រើពេលតែ៥នាទីប៉ុណ្ណោះ ដែលពីមុន ត្រូវចំណាយពេលដល់ទៅ ៧នាទី។
ក្នុងពេលអ៊ីស្រាអែលព្រមានថា ក្នុងពេលអនាគត់ដ៏ខ្លីខាងមុខ ប្រទេសនេះនឹងបើកការវាយប្រហារតាមដែនអាកាសទៅលើប្រទេសអ៊ីរ៉ង់ ដើម្បីបំផ្លាញទីតាំងបរមាណូរបស់អ៊ីរ៉ង់ ក៏ដូចជាឃ្លាំងអាវុធមីស៊ីលរយៈចម្ងាយឆ្ងាយ។
ចំពោះការគំរាមកំហែង ពីប្រទេសអ៊ីស្រាអែល រដ្ឋាភិបាលទីក្រុងតេអ៊ីរ៉ង់បានចាប់ផ្តើមដាក់ពង្រាយកាំជ្រួចមីស៊ីលរាប់រយដើមនៅជិតព្រំដែនប្រទេសអ៊ីរ៉ាក់ ដើម្បីកាត់បន្ថយពេលវេលាវាយប្រហារប្រទេសអ៊ីស្រាអែល ដោយប្រើពេលតែ ៥នាទីប៉ុណ្ណោះ ។
បច្ចុប្បន្ន អ៊ីរ៉ង់បានដាក់ពង្រាយកាំជ្រួចមីស៊ីលបាញ់បានចម្ងាយចាប់ពី ១៥០០-២០០០គីឡូម៉ែត្រ នៅតំបន់ព្រំដែនភាគខាងលិចជាប់អ៊ីរ៉ាក់។ កន្លងមក អ៊ីរ៉ង់បានដាក់ពង្រាយមីស៊ីល នៅក្នុងតំបន់ភាគកណ្តាល គឺត្រូវប្រើរយៈពេលដល់ទៅ៧នាក់ទើបវាយបរហារដល់ប្រទេសអ៊ីស្រាអែល។
តាមការលើកឡើងរបស់ក្រុមអ្នកឯកទេសវិភាគបានលើកឡើងថា ទាំងអ៊ីស្រាអែល និងអ៊ីរ៉ង់បានបើកជំហរពីគម្រោងវាយបរហារគ្នាទៅវិញទៅមកដោយកាំជ្រួចមីស៊ីលរាប់ពាន់ដើម។
ក្រុមអ្នកឯកទេសបានលើកឡើងថា យន្តហោះចម្បាំងរបស់អ៊ីស្រាអែល ពេលចេញទៅវាយប្រហារអ៊ីរ៉ង់ និងមិនមានទីកន្លែងដែលត្រូវវិលត្រឡប់មកវិញឡើ ដោយទីតាំង អាកាសយានដ្ឋានទាំងឡាយត្រូវបានបំផ្លាញ ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។