HYUNDAI ព្រលះជាមួយ TOYOTA PRIUS រងរបួសមនុស្ស ៦នាក់ នៅស្រុកព្រៃនប់
ខេត្តព្រះសីហនុ៖ នៅព្រឹក ថ្ងៃទី២៤ ខែធ្នូ ឆ្នាំ២០២១នេះ មានករណីគ្រោះថ្នាក់ចរាចរណ៍មួយបង្កឡើងដោយរថយន្ដចំនួន ២គ្រឿង បានបុកគ្នាពេញទំហឹង បណ្តាលឲ្យមានមនុស្សជាច្រើននាក់ រងរបួសធ្ងន់ស្រាល លើផ្លូវជាតិលេខ៤ ក្នុងភូមិតានៃ ឃុំតានៃ ស្រុកព្រៃនប់ ខេត្តព្រះសីហនុ។
សមត្ថកិច្ចបានឲ្យដឹងថា ករណីគ្រោះថ្នាក់ចរាចរណ៍នេះ បង្កឡើងដោយរថយន្ដ ១គ្រឿង ម៉ាក TOYOTA PRIUS ពណ៌ស ពាក់ផ្លាកលេខ ភ្នំពេញ 2BL-8317 ទិសដៅពីភ្នំពេញ ឆ្ពោះខេត្តព្រះសីហនុ លុះមកដល់ចំណុចខាងលើ បានរថយន្ដបានឡើងវ៉ាជែងរថយន្ដ ១គ្រឿង ខណៈពេលនោះមាន ០១គ្រឿង ម៉ាក HYUNDAI ពណ៌ស ពាក់ផ្លាកលេខ កំពង់ស្ពឺ 3A-8787 ដែលមានទិសដៅផ្ទុយគ្នា ព្រលះគ្នាពេញទំហឹង បណ្តាលឲ្យមានមនុស្សរងរបួសចំនួន ៦នាក់។
បច្ចុប្បន្នជនរងគ្រោះ បានបញ្ជូនទៅសម្រាកព្យាបាលនៅគ្លីនិចឯកជន នៅឃុំវាលរេញ។ រីឯវត្ថុតាង បានយកមករក្សាទុកបណ្ដោះអាសន្ននៅអធិការដ្ឋាននគរបាលស្រុកព្រៃនប់ បណ្តោះអាសន្ន៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។