បែកធ្លាយរឿងលោក ឃឹម ប៊ុនសុង អភិបាលខេត្តសៀមរាបកាងអោយលោកឧកញ៉ា ង៉ោ ស្រ៊ុន ប្លន់ផ្លូវសាធារណៈនឹងដីប្រជាពលរដ្ឋ១៨៥គ្រួសារ
សៀមរាប ៖ យោងតាមការបង្ហោះជាសាធារណៈតាមសង្គមហ្វេសបុកនៅថ្ងៃ២១ ខែតុលា ឆ្នាំ២០១៨ របស់សមាជិកឧត្តមក្រុមប្រឹក្សាពិគ្រោះនិងផ្ដល់យោបល់ «គ.ខ.ក» និងជាទីប្រឹក្សារាជរដ្ឋាភិបាលបានចុះមកជួបផ្ទាល់ជាមួយប្រជាពលរដ្ឋដែលបានដាក់ពាក្យបណ្ដឹងចូលមកសមាជិកឧត្តមក្រុមប្រឹក្សាពិគ្រោះ និងផ្ដល់យោបល់កាលពីថ្ងៃ១៥ ខែតុុលា ឆ្នាំ ២០១៨ លេីករណីឧកញ៉ា ង៊ោ ស្រ៊ុន លួចដីរបស់ប្រជាពលរដ្ឋតាំងពីឆ្នាំ២០១៦ ហេីយអាជ្ញាធរខេត្តពុំមានចំណាត់ការ ទោះបីមានលិខិតរដ្ឋបាលគ្រប់ស្ថាប័នជាន់ខ្ពស់បញ្ជាអោយអាជ្ញាធរខេត្តឯកឧត្តម ឃឹម ប៊ុនសុង ដោះស្រាយក្ដី ក៏ឯកឧត្តមឃឹម ប៊ុនសុង មិនដោះស្រាយដែរ ដោយមេីលងាយចាត់ទុកលិខិតរដ្ឋបាលរបស់សម្ដេច ហេង សំរិន សម្ដេច ស ខេង និងឯកឧត្តម ឧ.ប ជាសុផារា និង ឯកឧត្តម ឧ.ប ប៊ិន ឈិន ជាក្រដាសឥតន័យ។
លិខិតរដ្ឋបាលរបស់ថ្នាក់ជាតិដែលបញ្ជាអោយលោក ឃឹម ប៊ុនសុង ដោះស្រាយរួមមាន :
១. លិខិតផ្លូវការរដ្ឋសភា លេខ ១២៨ រសគ១
២. លិខិតផ្លូវការរដ្ឋសភាលេខ ០០៤ រសគ១
៣. លិខិតផ្លូវការរដ្ឋសភា លេខ ០០៩ រសគ១
៤. លិខិតផ្លូវការរដ្ឋសភាលេខ ០៥១ រសគ១
៥. លិខិតផ្លូវការរដ្ឋសភាលេខ ១៤៧ រសគ១
៦. លិខិតផ្លូវការរដ្ឋសភាលេខ ០២១ រសគ១
៧. លិខិតខុទ្ទកាល័យសម្ដេចតេជោលេខ ២០២៨
៨. លិខិតអាជ្ញាធរជាតិដោះស្រាយទំនាស់ដីធ្លីលេខ ០១០/១៨ លស ពជដ
៩. លិខិតអាជ្ញាធរជាតិដោះស្រាយទំនាស់ដីធ្លីលេស ០៣២/១៨ លស ពជដ
១០. លិខិតរដ្ឋបាលខុទ្ទកាល័យសម្ដេចតេជោលេខ ១៩៤៩ ខន/០១៧
១១. ចំណារសម្ដេចក្រឡាហោមសខេង ចុះថ្ងៃទី ១៣ ខែ ធ្នូរ ឆ្នាំ ២០១៧
១២. សេចក្ដីជូនដំណឹងរបស់ក្រសួងមហាផ្ទៃលេខ ៥៨១ សជណ
១៣. លិខិតរដ្ឋបាលខុទ្ទកាល័យសម្ដេចតេជោលេខ ៣៩៨ ខន/០១៧
១៤. លិខិតរដ្ឋបាលខុទ្ទកាល័យសម្ដេចតេជោលេខ ៣៩៩ ខន/០១៧
១៥. លិខិតរដ្ឋបាលខុទ្ទកាល័យសម្ដេចតេជោលេខ ១៨២៩ ខន/០១៧
១៦. លិខិតក្រសួងរៀបចំដែនដី លេខ០៤៥០
១៧. លិខិតក្រសួងរៀបចំដែនដីលេខ ៧៤៦ ដនស / អសដភ
១៨. លិខិតក្រសួងរៀបចំដែនដីលេខ ៧៤៧ ដនស / អសដភ
១៩. លិខិតក្រសួងរៀបចំដែនដីលេខ ៧៤៨ ដនស / អសដភ
២០. លិខិតក្រសួងរៀបចំដែនដីលេខ ៤៨២៩ ។
២១. លិខិតក្រសួងរៀបចំដែនដីលេខ ៥០០០
២២. លិខិតក្រសួងរៀបចំដែនដីលេខ ៥៣២៤
២៣. លិខិតក្រសួងរៀបចំដែនដីលេខ ៣១៥៥ ដនស/អសដភ
២៤. លិខិតក្រសួងរៀបចំដែនដីលេខ ១៩០ ដនស/អសដភ
២៥. លិខិតក្រសួងរៀបចំដែនដីលេខ ៣១៥៥ ០៥៦៣
២៦. លិខិតក្រសួងរៀបចំដែនដីលេខ ១៤២ អសដភ
២៧. លិខិតក្រសួងរៀបចំដែនដីលេខ ១០៥៨
ករណីនេះសមាជិកឧត្តមក្រុមប្រឹក្សាពិគ្រោះ និងផ្ដល់យោបល់កំពុងរៀបចំឯកសារដាក់ជូនសម្ដេចតេជោដេីម្បីអោយលោកពិនិត្យសម្រេច ហេីយមានចំណាត់ការចំពោះចៅហ្វាយខេត្តរូបនេះដែលមិនបំពេញភារកិច្ចបំរេីរាស្ត្រនិងកំពុងប្រមាថសម្ដេច ហេងសំរិន សម្ដេចក្រឡាហោម ស ខេង និង ឯកឧត្តម ឧ.ប ជា សុផារ៉ា ។ ជាពិសេសដេីម្បីផ្តន្ទាទោសលោកឧកញ៉ា ង៉ោ ស្រ៊ុន ដែលកំពុងជិះជាន់លួចឆក់ប្លន់ផ្លូវសាធារណៈជាទ្រព្យសម្បតិជាតិ និងលួចដីរបស់ពលរដ្ឋស្លូតត្រង់គ្មានអំណាច អោយទទួលទោសចំពោះមុខច្បាប់ជាធរមាន។
សុំបញ្ជាក់ថា ក្នុងរឿងនេះភ្នាក់ងារព័ត៍មានមិនអាចសុំការបំភ្លឺពីលោកអភិបាលខេត្តនឹងលោកឧកញ៉ា ង៉ោ ស្រ៊ុន បានទេនៅព្រឹកថ្ងៃទី២២ ខែតុលា ឆ្នាំ២០១៨៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។