ឃាត់ខ្លួនប្រុស-ស្រី ១៥នាក់ ករណីគ្រឿងញៀន នៅក្នុងទីតាំងខារ៉ាអូខេមួយកន្លែង ក្នុងស្រុកកំរៀង
ខេត្តបាត់ដំបង៖ កាលពីយប់ឬមលងអធ្រាតឈានចូល ថ្ងៃទី៣ ខែមករា ឆ្នាំ២០២២ កម្លាំងអធិការដ្ឋាននគរបាលស្រុកកំរៀង បានចុះបង្ក្រាបករណីចាត់ចែងឱ្យប្រើប្រាស់ សម្រួលឱ្យប្រើប្រាស់ និងប្រើប្រាស់ដោយខុសច្បាប់នូវសារធាតុញៀន ១ករណី ក្នុងបទល្មើសជាក់ស្ដែង និងឃាត់ខ្លួនមនុស្សប្រុស-ស្រីចំនួន ១៥នាក់ នៅទីតាំងខារ៉ាអូខេមួយកន្លែង នៅចំណុចក្រុមទី១៦ ភូមិដូង ឃុំបឹងរាំង ស្រុកកំរៀង ខេត្តបាត់ដំបង។
ក្នុងប្រតិបតតិការនេះ កម្លាំងជំនាញ បានដកហូតវត្ថុតាងបាន រួមមាន៖
-ថ្នាំញៀនប្រភេទកេតាមីន (KETAMINE) ចំនួន ០១ថង់ ទម្ងន់ ០,៨៩ក្រាម (ទាំងសម្បក)
-ទូរស័ព្ទដៃចំនួន ០៩គ្រឿង (ចាស់) និងសម្ភារៈសម្រាប់ប្រើប្រាស់ថ្នាំញៀនមួយចំនួន ។
ចំពោះមនុស្សប្រុស-ស្រីទាំង ១៥នាក់ខាងលើ រួមនឹងវត្ថុតាង ត្រូវបានកម្លាំងជំនាញ ធ្វើការសាកសួរ និងកសាងសំណុំរឿងបញ្ជូនទៅអនុវត្តទោសតាមផ្លូវច្បាប់៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។