បុរសម្នាក់លោតពីលើស្ពានគីហ្សូណា ទៅទើរស្លាប់លើជើងស្ពាន
កំពង់ចាម ៖ បុរសម្នាក់បានស្លាប់គួរឲ្យសង្វេគ ក្រោយពីបានលោតពីលើស្ពានគីហ្សូណា ហើយធ្លាក់ទៅទើរលើថាសស្ពាន កាលពីវេលាម៉ោងប្រមាណ៩ព្រឹកថ្ងៃទី១១ ខែមករា ឆ្នាំ២០២២នេះ រហូតដល់រសៀលទើបសមត្ថកិច្ចរកឃើញសាច់ញាតិ។
បើតាមការបញ្ជាក់ពីសាច់ញាតិរបស់សាកសពបានឲ្យដឹងថា សពមានឈ្មោះ រស់ ពីន ភេទប្រុស អាយុ៣៤ឆ្នាំ រស់នៅភូមិទី១ សង្កាត់វាលវង់ ក្រុងកំពង់ចាម។
សាច់ញាតិបានបញ្ជាក់ថា ជនរងគ្រោះពីមុនជាមនុស្សមានសតិល្អប្រក្រតីទេ លុះក្រោយមកគាត់មានសតិមិនប្រក្រតីឡើយ ។
សពជនរងគ្រោះក្រោយពីសមត្ថកិច្ចជំនាញធ្វើកោសល្យវិច័យរួចត្រូវបានប្រគល់ទៅឱ្យក្រុមគ្រួសារយកទៅផ្ទះ ធ្វើបុណ្យតាមប្រពៃណី ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។