រថយន្ត និងម៉ូតូ ព្រលះគ្នា រងរបួសក្មេងស្រីសិស្សសាលា ២នាក់ នៅព្រះសីហនុ
ព្រះសីហនុ៖ ក្មេងស្រីសិស្សសាលាចំនួន ២នាក់ បានរងរបួស ដោយគ្រោះថ្នាក់ចរាចរណ៍ កាលពីថ្ងៃទី១៩ ខែមករា ឆ្នាំ២០២២ លើផ្លូវបេតុង ត្រង់ចំណុចជិតចំណោតលោកយាយម៉ៅ ក្នុងភូមិ៣ សង្កាត់លេខ៣ ក្រុងព្រះសីហនុ។
សមត្ថកិច្ច បានឲ្យដឹងថា គ្រោះថ្នាក់ចរាចរណ៍នេះកើតឡើង រវាងរថយន្ត ០១គ្រឿងម៉ាក PRUIS ពណ៌ទឹកប្រាក់ ពាក់ផ្លាកលេខ តាកែវ2-3295 មានទិសដៅពី ចំណោតលោកយាម៉ៅ ឆ្ពោះទៅទំនប់រលក បានបុកប៉ះជាមួយម៉ូតូ ០១គ្រឿង ម៉ាក HONDA ពណ៌ខ្មៅ ពាក់ផ្លាកលេខ ព្រះសីហនុ1H-6345 ទិសដៅផ្ទុយគ្នា បណ្តាលឲ្យអ្នកជិះម៉ូតូ២នាក់នោះ រងរបួសតែម្តង។
ជនរងគ្រោះអ្នកបើកបរ ឈ្មោះ រ៉ន កណ្ណិកា ភេទស្រី អាយុ១៥ឆ្នាំ មានអ្នករួមដំណើរឈ្មោះ វង្ស ស្រីនា ភេទស្រី អាយុ១៥ឆ្នាំ ទាំងពីរនាក់ជាសិស្ស។
ក្រោយពេលកើតហេតុ អ្នកបើកបររថយន្តរត់គេចខ្លួនបាត់។ រីឯវត្ថុតាង រថយន្ត និងម៉ូតូ ត្រូវបាននគរបាលជំនាញយកទៅរក្សាទុក នៅការិយាល័យនគរបាលចរាចរណ៍ផ្លូវគោក ដោះស្រាយបន្តតាមនិតិវិធី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។