ដកហូតគ្រឿងញៀន ១៥កូនថង់ ឃាត់ខ្លួន ២នាក់ នៅស្រុកមោងឫស្សី
ខេត្តបាត់ដំបង៖ កាលពីថ្ងៃទី២៦ ខែមករា ឆ្នាំ២០២២ ម្សិលមិញ កម្លាំងនគរបាលស្រុកមោងឬស្សី បានចុះបង្ក្រាបករណីគ្រឿងញៀន នៅចំណុចក្រុមទី០១ ភូមិដុបក្រសាំង ឃុំព្រៃតូច ស្រុកមោងឫស្សី ខេត្តបាត់ដំបង ដោយឃាត់ខ្លួនជនសង្ស័យចំនួន ២នាក់។
នគរបាលជំនាញ បានឲ្យដឹងថា ជនសង្ស័យខាងលើ ឈ្មោះ គី សារ៉ាក់ ភេទប្រុស អាយុ២១ឆ្នាំ រស់នៅភូមិបឹងព្រីង ឃុំព្រៃតូច ស្រុកមោងឫស្សី និងឈ្មោះ ខុម ប៊ុនធឿន ភេទប្រុស អាយុ២៣ឆ្នាំ រស់នៅភូមិព្រៃដំរី ឃុំព្រៃតូច ស្រុកមោងឫស្សី ខេត្តបាត់ដំបង។ ចំណែកវត្ថុតាងចាប់បាន៖ ម្សៅក្រាមពណ៌សថ្លាចំនួន ១៥កូនថង់ ដែកកេះចំនួន១ កញ្ចប់បារីចំនួន១ ទូរស័ព្ទដៃចំនួន១គ្រឿង។
បច្ចុប្បន្នជនសង្ស័យ ត្រូវបានឃាត់ខ្លួនជាបណ្តោះអាសន្ន ដើម្បីកសាងសំណុំរឿងបញ្ជូនមកការិយាល័យជំនាញ អនុវត្តតាមនីតិវិធី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។