ស្លាប់ម្នាក់ ក្នុងករណីឡានក្រឡាប់ធ្លាយចេញឈើនៅមណ្ឌលគិរី
មណ្ឌលគិរី : រថយន្តយីឌុបមួយគ្រឿង បានរងនូវការក្រឡាប់ដោយខ្លួនឯង បង្កអោយអ្នករួមដំណើរ ជាព្រូ បានស្លាប់នៅនឹងកន្លែង នារសៀលថ្ងៃទី៣ កុម្ភៈ នៅចំណុចអូរងើយ ស្ថិតក្នុងភូមិអណ្តូងក្រឡឹង ឃុំសែនមនោរម្យ ស្រុកអូររាំងខេត្តមណ្ឌលគិរី។
សេចក្តីរាយការពីពលរដ្ឋដែលធ្វើដំណើរឆ្លងកាត់ចំណុចកើតហេតុ បានប្រាប់ថាពួកគាត់បានឃើញព្រូរថយន្តម្នាក់ស្លាប់ ឯតៃកុងរបួស និងកំពុងត្រូវបានគេជួយគាស់ចេញពីកាបីនរថយន្ត។ ប្រភពបន្តថា ក្នុងទ្រុងរថយន្តឃើញសុទ្ធតែឈើគ្រឿងផ្ទះឡើងពេញណែនផងដែរ ដោយពុំដឹងថាមានច្បាប់ឬអត់ទេ។
ករណីនេះនៅមិនទាន់មានព័ត៌មានលំអិតពីនគរបាលចរាចរណ៍ស្រុកអូររាំងរួមទាំងសង្កាត់រដ្ឋបាលព្រៃឈើមូលដ្ឋាននោះនៅឡើយ ដោយគ្រាន់តែដឹងថា រថយន្តរងគ្រោះពាក់ស្លាកលេខ ស្វាយរៀង ៣A-០៨៥៤ ពណ៌ស ឆ្នូតផ្ទៃមេឃ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។