ពលករខ្មែរ ២៨៣នាក់ រកឃើញវិជ្ជមានកូវីដ ម្នាក់ ដែលមកពីថៃ តាមច្រកព្រំដែន នៃស្រុកកំរៀង
ខេត្តបាត់ដំបង៖ នៅថ្ងៃទី១០ ខែកុម្ភៈ ឆ្នាំ២០២២ កម្លាំងសមត្ថកិច្ចការពារព្រំដែនគោក តាមខ្សែបន្ទាត់ព្រំដែនកម្ពុជា-ថៃ បានទទួលពលករខ្មែរ ដែលវិលត្រឡប់មកស្រុកវិញ តាមច្រកតំបន់អូរអន្លក់ ស្ថិតក្នុងភូមិអូរអន្លក់ ឃុំតាសែន ស្រុកកំរៀង ខេត្តបាត់ដំបង។
សូមជម្រាបថា ប្រជាពលរដ្ឋចំនួន ២៨៣នាក់ (ស្រី ១១០នាក់) ក្មេង ៦១នាក់ (ក្មេងស្រី ២៣នាក់) ត្រូវបានកម្លាំងសមត្ថកិច្ច សាកសួរ កត់ឈ្មោះ ចុះកំណត់ហេតុ និងអប់រំណែនាំអំពីវិធានការការពារការឆ្លងជំងឺកូវី-១៩ រួច ក្រុមគ្រូពេទ្យបានធ្វើតេស្តរហ័ស។
ជាលទ្ធផល បានរកឃើញមានអ្នកវិជ្ជមានកូវីដ១៩ ចំនួន ១នាក់ (ស្រី) ក្មេងស្រីទៅតាមម្តាយ ១នាក់ បញ្ជូនទៅព្យាបាលនៅមណ្ឌុលត្រាវជូ ស្រុកសំពៅលូន។ ដោយឡែកពលករចំនួន ៤៥នាក់ ក្មេង ៨នាក់ បានបញ្ជូនទៅធ្វើចត្តាឡីស័កនៅមណ្ឌលគីឡូ៩ ស្រុកសំពៅលូន។
រីឯពលករ ដែលមានកាតចាក់វ៉ាក់សាំង ចំនួន២៣៧នាក់ ក្មេង ៥២នាក់ ក្នុងនោះបានចាក់វ៉ាក់សាំងអោយក្មេងចាប់ពីអាយុ ៥ឆ្នាំដល់ ១៨ឆ្នាំ ចំនួន២៥នាក់ ត្រូវបានក្រុមគ្រូពេទ្យអនុញ្ញាតអោយត្រឡប់ទៅស្រុកកំណើតរៀងៗខ្លួនវិញ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។